ອົງການຊ່ວຍເຫຼືອ ອາຟການິດສະຖານ ຂອງ ສປຊ
ກ່າວປະນາມການໂຈມຕີກໍ່ການຮ້າຍຢູ່ນະຄອນຫຼວງ ກາບູນ
ເຫດການໂຈມຕີວາງລະເບີດສະລະຊີບຢູ່ພາກຕາເວັນຕົກຂອງນະຄອນຫຼວງ ກາບູນ 17/08/2019
ສຳນັກຂ່າວ ຊິນຮວ່າ ໄດ້ລາຍງານໃຫ້ຮູ້ວ່າ: ອົງການຊ່ວຍເຫຼືອ ອາຟການິສະຖານ ຂອງສະຫະປະຊາຊາດ ໄດ້ອອກຖະແຫຼງການໃນວັນທີ 18 ສິງຫາ 2019, ເພື່ອກ່າວ
ປະນາມການວາງລະເບີດສະຫຼະຊີບຢູ່ ທິດຕາເວັນຕົກຂອງນະຄອນຫຼວງ ກາບູນ, ໃນຕອນແລງຂອງ ວັນທີ 17 ສິງຫາ 2019 ທີ່ຜ່ານມາ.
ໃນຖະແຫຼງການຂອງຜູ້ຕາງໜ້າພິເສດຂອງ ສະຫະປະຊາຊາດ ແລະ ຫົວໜ້າ ຄະນະຊ່ວຍເຫຼືອສະຫະປະຊາຊາດປະຈຳ ອາຟການິດສະຖານ, ທ່ານ ຢາມາໂມໂຕ, ໄດ້ກ່າວ
ປະນາມການໂຈມຕີໂດຍເຈດຕະນາປອງຮ້າຍຕໍ່ພົນລະເຮືອນ ແລະ ກ່າວເນັ້ນເຖິງຄວາມຈຳເປັນທີ່ຈະຕ້ອງໄດ້ເສີມຂະຫຍາຍມາດຕະການຄວາມປອດໄພທີ່ມີຢູ່, ເພື່ອນຳມາ
ຈັດຕັ້ງ ແລະ ດຳເນີນການຕໍ່ຜູ້ທີ່ກໍ່ເຫດດັ່ງກ່າວເພື່ອຄວາມຍຸຕິທຳ.
ທ່ານຍັງກ່າວຕື່ມອີກວ່າ: ສະຫະປະຊາຊາດຈະສາມັກຄີກັບປະຊາຊົນອາຟການິດສະຖານ ແລະ ສືບຕໍ່ເຮັດວຽກ ເພື່ອຂະບວນການສັນຕິພາບໃນ ອາຟການິດສະຖານ.
ການໂຈມຕີດ້ວຍລະເບີດສະ ຫຼະຊີບຢູ່ທີ່ຫໍຈັດງານລ້ຽງແຫ່ງໜຶ່ງໃນອາຄານຕາເວັນຕົກຂອງນະຄອນຫຼວງ ກາບູນ ຄັ້ງນີ້, ເຮັດໃຫ້ມີຜູ້ເສຍຊີວິດ 63 ຄົນ ແລະ ບາດເຈັບ
180 ກວ່າຄົນ. ອົງການຫົວຮຸນແຮງ “ລັດອິສະລາມ” ໄດ້ອອກມາຍອມຮັບວ່າຕົນເປັນຜູ້ກໍ່ເຫດການໂຈມຕີຄັ້ງນີ້.