ເຈົ້າໜ້າທີ່ທະຫານ ນີເຊ ເສຍຊີວິດ 28 ຄົນ ຈາກການໂຈມຕີຂອງກຸ່ມ ອີແອັດຊ໌ ( IS )
ສຳນັກຂ່າວອານຈາຊີຣາຂອງປະເທດ ກາຕາ ລາຍງານໃນວັນທີ 17 ພຶດສະພາ 2019 ນີ້ວ່າ: ເກີດເຫດປະທະກັນຢ່າງຮຸນແຮງລະຫວ່າງກອງກຳລັງຝ່າຍລັດຖະບານ
ນີເຊ ກັບ ກຸ່ມຫົວຮຸນແຮງ ອີແອັດຊ໌ ຢູ່ເຂດຊາຍແດນລະຫວ່າງປະເທດ ນີເຊ-ມາລີ, ຈາກການປະທະກັນເປັນເວລາຫຼາຍຊົ່ວໂມງເຮັດໃຫ້ເຈົ້າໜ້າທີ່ທະຫານ ນີເຊ ເສຍຊີວິດ
28 ຄົນ ແລະ ບາດເຈັບຈຳນວນໜຶ່ງ, ສ່ວນຝ່າຍກຸ່ມຄົນຮ້າຍບໍ່ມີລາຍງານກ່ຽວກັບຕົວເລກຂອງຜູ້ເສຍຊີວິດ ແລະ ບາດເຈັບ.
ເຫດການດັ່ງກ່າວເກີດຂຶ້ນໃນວັນພຸດທີ່ຜ່ານມາ ໃນລະຫວ່າງທີ່ເຈົ້າໜ້າທີ່ທະຫານກຳລັງລາດຕະເວນເປັນປົກກະຕິ. ໂດຍຄົນຮ້າຍໄດ້ໃຊ້ວິທີຫຼອນໂຈມຕີແບບກະທັນ
ຫັນຢູ່ທີ່ຮ່ອມພູແຫ່ງໜຶ່ງໃນບ້ານ ຕົນໂກ ເມືອງ ຕົນໂກ ທາງພາກຕາເວັນຕົກຂອງແຂວງ ຕີລາ ເບີຣີ. ເຊິ່ງເປັນເຂດເຊື່ອມຕໍ່ຊາຍແດນລະຫວ່າງ ນີເຊ-ມາລີ, ຫຼ້າສຸດທາງລັດ
ຖະບານ ນີເຊ ໄດ້ອອກມາຢືນຢັນແລ້ວວ່າມີເຈົ້າໜ້າທີ່ ທະຫານເສຍຊີວິດ 28 ຄົນ ແລະ ສູນຫາຍອີກ 11 ຄົນ ພ້ອມອາວຸດປະຈຳກາຍ, ຄາດວ່າຈະຖືກກຸ່ມ ຄົນຮ້າຍຈັບ
ເປັນຕົວປະກັນ.
ຕໍ່ມາໃນວັນພະຫັດ ກຸ່ມ ອີແອັດຊ໌ ໄດ້ອອກມາສະແດງຄວາມຮັບຜິດຊອບຕໍ່ກັບເຫດການທີ່ເກີດຂຶ້ນ ແຕ່ບໍ່ໄດ້ໃຫ້ເຫດຜົນ ຫຼື ເວົ້າເຖິງການສູນຫາຍຂອງເຈົ້າໜ້າທີ່ທະ
ຫານນີເຊ 11 ຄົນແຕ່ຢ່າງໃດ.
ປະຕິບັດການລາດຕະເວນໃນຄັ້ງນີ້ ກອງກຳລັງ ນີເຊ ມີກຳລັງພົນທັງໝົດ 61 ຄົນ, ພາຍຫຼັງທີ່ມີການປະທະກັນ ມີກຳລັງພົນທີ່ເຫຼືອພຽງ 22 ຄົນ, ພົບສົບຜູ້ເສຍຊີວິດ
28 ຄົນ, ສ່ວນ 11 ຄົນຍັງບໍ່ມີຮ່ອງຮອຍ, ສະນັ້ນທາງລັດຖະບານ ນີເຊ ຈຶ່ງໄດ້ປະກາດຍົກລະດັບໃຫ້ພຶ້ນທີ່ດັ່ງກ່າວເປັນເຂດສີແດງ ແລະ ຈະມີການວາງແຜນຕື່ມເພື່ອຮັບ
ມືກັບເຫດການທີ່ຈະເກີດຂຶ້ນ.