ກຸ່ມກະບົດໃຊ້ປືນຄົກໂຈມຕີແຂວງ ອາເລບໂປ ມີຜູ້ເສຍຊີວິດ 10 ຄົນ
ຕາມການລາຍງານຂອງສຳນັກຂ່າວ ຊິນຣວ່າ ໃນວັນທີ 17 ມີຖຸນາ 2019 ວ່າ: ມີຜູ້ເສຍຊີວິດຢ່າງໜ່ອຍ 10 ຄົນ ແລະ ມີຜູ້ບາດເຈັບຈຳນວນຫຼາຍ. ຈາກເຫດການ
ທີ່ກຸ່ມກະບົດໃຊ້ປືນຄົກຍິງໃສ່ແຂວງ ອາເລບໂປ ທີ່ຕັ້ງຢູ່ທິດເໜືອຂອງປະເທດ ຊີຣີ.
ຕາມການລາຍງານຂອງແຫຼ່ງຂ່າວໃຫ້ຮູ້ວ່າ: ການໂຈມຕີໃນຄັ້ງນີ້ ກຸ່ມກະບົດໄດ້ຍີງປືນຄົກຈາກເມືອງ ວູດາຍຣີ ທີ່ຕັ້ງຢູ່ທາງທິດໃຕ້ຂອງແຂວງ ອາເລບໂປ. ນັບຕັ້ງແຕ່
ແຂວງ ອາເລບໂປ ໄດ້ຖືກກອງ ທັບ ຊີຣີ ຍຶດພື້ນທີ່ຄືນຈາກກຸ່ມກະບົດໃນປີ 2016 ແມ່ນສາມາດເວົ້າໄດ້ວ່າພື້ນທີ່ນີ້ມີຄວາມສະຫງົບໃນລະດັບໜຶ່ງ. ແຕ່ກໍໍຍັງມີການໂຈມ
ຕີດ້ວຍປືນຄົກໃສ່ກຸ່ມກະບົດທີ່ຍັງຫຼົງເຫຼືອຢູ່ ທັງນີ້ກໍຍ້ອນມີຖານທີໝັ້ນຂອງກຸ່ມກະບົດຫຼາຍແຫ່ງຢູ່ທິດເໜືອ ຂອງແຂວງ ອາເລບໂປ ອີກຍັງເປັນເຂດທຸລະການດານ ເຊິ່ງ
ຍາກຕໍ່ການເຂົ້າເຖິງ. ຍ້ອນແນວນັ້ນ ກຸ່ມກະບົດຈຶງໃຊ້ປືນຄົກໂຈມຕີໃສ່ເມືອງເອກຂອງແຂວງ ອາເລບໂປ ທີ່ເປັນພື້ນທີຢູ່ພາຍໃຕ້ການຄຸ້ມຄອງຂອງລັດຖະບານ.