ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ສະພາ​ຕ່ຳ ອາ​ເມຣິກາ ມີ​ມະຕິ​ຄວບ​ຄຸມ​ການ​ໃຊ້​ອຳນາດ​ສົງຄາມ​ກັບ ອີຣານ

     ສໍານັກຂ່າວ AFP ລາຍງານ ເມື່ອວັນທີ 12 ມັງກອນ ຜ່ານມາ ນີ້ວ່າ: ສະພາຕໍ່າຂອງສະຫະ ລັດອາເມຣິກາ ລົງມະຕິດ້ວຍສຽງສ່ວນຫຼາຍ 224 ຕໍ່ 194 ສຽງ ແລະ ງົດ
ອອກສຽງ 13 ສຽງໃຫ້ມີການໃຊ້ກົດໝາຍສົງຄາມ ຫຼື ມະຕິອຳນາດສົງຄາມ ສະບັບ ປີ 1973 ຕໍ່ຄວາມຂັດແຍ່ງລະຫວ່າງສະຫະລັດອາເມຣິກາ ກັບ ອີຣານ ຂອງປະທານາ
ທິບໍດີ ໂດນັລ ທຣໍາ.

     ການລົງມະຕິດັ່ງກ່າວ ເຮັດໃຫ້ຕໍ່ຈາກນີ້ທ່ານ ໂດນັລ ທຣໍາ ປະທານາທິບໍດີສະຫະລັດອາ ເມຣິກາ ຕ້ອງຍື່ນຄໍາຮ້ອງຕໍ່ລັດຖະສະພາ ເພື່ອຂໍມະຕິກ່ອນຫາກຕ້ອງການໃຊ້
ມາດຕາການທາງ ທະຫານຕໍ່ອີຣານໃນອະນາຄົດ. ແຕ່ຍັງບໍ່ລະບຸຂໍ້ຍົກເວັ້ນວ່າຜູ້ນຳ ອາເມຣິກາ ສາມາດສັ່ງໃຫ້ກອງ ທັບເຄື່ອນໄຫວໄດ້ທັນທີ ໃນກໍລະນີຈຳເປັນຫາກຖືກ
ຄຸກຄາມທາງທະຫານຈາກ ອີຣານ. ເຊິ່ງການ ເຄື່ອນໄຫວຂອງສະພາຕໍ່າ ອາເມຣິກາ ເກີດຂຶ້ນ. ພາຍຫຼັງທີ່ທ່ານ ໂດນັລ ທຣຳ ໃຊ້ອຳນາດທາງ ທະຫານໃຫ້ກອງທັບປະຕິບັດ
ການໂຈມຕີທາງອາກາດທີ່ນະຄອນຫຼວງ ແບກແດດ ປະເທດ ອີຣັກ ເມື່ອວັນທີ 3 ມັງກອນ ທີ່ ຜ່ານມາ ໂດຍການສັງຫານ ທ່ານ ພົນຕີ ກາເຊມ ໂຊໄລມານີ ຜູ້ບັນຊາການ
ກອງກຳລັງນັກຮົບພິເສດຄຸດຂອງກອງທັບປະຕິວັດ ອີຣານ.

     ຂະນະທີ່ທາງດ້ານ ອີຣານ ໄດ້ໂຈມຕີຖານທັບອາກາດ ອິນ-ອັນ-ອາຊາດ ຂອງສະຫະລັດ ທາງຕາເວັນຕົກ ຂອງປະເທດ ອີຣັກ ເມື່ອວັນທີ 8 ມັງກອນ ທີ່ຜ່ານມາ, ເຊິ່ງ
ເປັນທີ່ຕັ້ງຖານທັບອາກາດຂະໜາດໃຫຍ່ຂອງ ອາເມຣິກາ ຖືກໂຈມຕີດ້ວຍຂີປະນາວຸດຈຳນວນຫຼາຍລູກ ໂດຍມີໜ່ວຍພິທັກການປະຕິວັດຂອງ ອີຣານ IRGC ປະກາດວ່າ:
ນັ້ນຄືການແກ້ແຄ້ນເບື້ອງຕົ້ນຕໍ່ການສັງຫານນາຍພົນ ໂຊໄລມານີ

.