ເລຂາທິການໃຫຍ່ ສປຊ ແລະ ຜູ້ນຳ ອີຢີບ ເຫັນໃນຫຼາຍບັນຫາສຳຄັນ
ໃນວັນທີ 5 ເມສາ 2019 ຜ່ານມາ. ຕາມການລາຍງານຂອງສຳນັກຂ່າວ A F P ໃຫ້ຮູ້ວ່າ: ທ່ານ ອັບ ເດວ ຟັດຕາ ອັລ ຊີຊີ ປະທານາ ທິບໍດີ ອີຢິບ ໄດ້ມີການພົບປະ
ເຈລະຈາກັບ ທ່ານ ແອນໂຕນິໂອ ກູເຕີເຣດ ເລຂາທິ ການໃຫຍ່ສະຫະປະຊາຊາດທີ່ກຳລັງຢ້ຽມຢາມນະຄອນຫຼວງ ເລີແກ, ການພົບປະຄັ້ງນີ້ ເພື່ອແນໃສ່ແລກປ່ຽນກ່ຽວກັບ
ສະພາບການພາກພື້ນ ແລະ ເພື່ອຢຸດຕິວິກິດການຢູ່ບັນດາປະເທດອາຣັບ.
ສອງຝ່າຍໄດ້ສຸມໃສ່ປຶກສາຫາລືກ່ຽວກັບຄວາມມານະພະຍາຍາມແກ້ໄຂວິກິດການຢູ່ ຊີຣີ, ລີບີ ແລະ ເຢເມນ, ພ້ອມນັ້ນ ຍັງໄດ້ສຸມໃສ່ແກ້ໄຂບັນຫາລະຫວ່າງອິດສະ
ຣາແອນ ແລະ ປາແລັດສະຕິນ ບົນພື້ນຖານອີງໃສ່ມະຕິສາກົນ ແລະ ມາດຕະການແກ້ໄຂຂອງທັງສອງປະເທດ. ສ່ວນຝ່າຍ ອີຢິບ ໄດ້ຕີລາຄາສູງບັນດາຄວາມພະຍາຍາມ
ຂອງທ່ານເລຂາທິການໃຫຍ່ ສະຫະປະຊາຊາດ. ເພື່ອແນໃສ່ຊຸກຍູ້ການສ້າງສັນຕິພາບ ແລະ ຄວາມໝັ້ນຄົງຢູ່ ອາຟຣິກາ.
ທ່ານ ເລຂາທິການໃຫ່ຍ ສປຊ ຍັງໄດ້ເນັ້ນໜັກເຖິງບົດບາດຄວາມສຳຄັນຂອງ ອີຢິບ ຢູ່ ລີບີ ໃນການສ້າງສະຖຽນລະພາບຢູ່ປະເທດນີ້ ແລະ ຕີລາຄາສູງຄວາມພະຍາ
ຍາມຂອງ ອີຢິບ. ໃນການສະກັດກັ້ນການປະທະກັນລະຫວ່າງປະເທດ ປາແລັດສະ ຕິນ ແລະ ອິດສະຣາແອນ, ສະຫະປະຊາຊາດ ແລະ ອີຢິບ ກຳລັງຮ່ວມມືເພື່ອຜັນຂະຫຍາຍ
ມາດຕະການແກ້ໄຂຂອງທັງສອງປະເທດ, ໂດຍໃຫ້ ເຢຣູຊາແລັມ ເປັນນະຄອນຫຼວງຂອງທັງປາແລັດສະຕິນ ແລະ ອິດສະຣາແອນ.