ອາເມຣິກາ, ສ ເກົາຫຼີ, ຢີ່ປຸ່ນ ຊຸກຍູ້ຄວາມພະຍາຍາມດ້ານການທູດ
ເພື່ອສ້າງແຫຼມເກົາຫຼີປອດນິວເຄຼຍ
ຕາມຂ່າວສານຫວຽດນາມ ລາຍງານເມື່ອວັນທີ 4 ມິຖຸນາ 2019 ນີ້ວ່າ: ກອງປະຊຸມການນໍາກະຊວງປ້ອງກັນປະເທດ 3 ປະເທດ ອາເມຣິກາ, ສ ເກົາຫຼີ ແລະ ຍີ່ປຸ່ນ
ກະຕຸກຊຸກຍູ້ໃຫ້ ສປປ ເກົາຫຼີ ມີບາດກ້າວເດີນລະອຽດ ເພື່ອແນໃສ່ປອດນິວເຄຼຍທ່າມກາງສະພາບການເຈລະຈາລະຫວ່າງອາເມຣິກາ ແລະ ສປປ ເກົາຫຼີ ຍັງຫາທາງອອກ
ບໍ່ໄດ້.
ໃນຖະແຫຼງການຮ່ວມໄດ້ຍົກໃຫ້ເຫັນໃນກອງປະຊຸມເຈລະຈາ ຂັ້ນລັດຖະມົນຕີກະຊວງປ້ອງກັນປະເທດ 3 ປະເທດ ອາເມຣິກາ, ສ ເກົາຫຼີ ແລະ ຍີ່ປຸ່ນເຊິ່ງໄດ້ຈັດຂຶ້ນໃນ
ກອງປະຊຸມ Shangri- La 2019 ຢູ່ສິງກະໂປ ເມື່ອວັນທີ 2 ມິຖຸນາຜ່ານມານີ້, ເຊິ່ງລັດຖະມົນຕີກະຊວງປ້ອງກັນປະເທດ 3 ປະເທດໃຫ້ຄໍາໝັ້ນສັນຍາວ່າ ຈະກະຕຸກຊຸກຍູ້
ບັນດາຄວາມພະຍາຍາມທາງການທູດ ຊຸກຍູ້ວິວັດທະນາການສ້າງແຫຼມເກົາຫຼີ ປອດນິວເຄລຍ ແລະ ມີສັນຕິພາບແບບຍາວນານ. ພ້ອມນັ້ນຖະແຫຼງການດັ່ງກ່າວຍັງຢັ້ງຢືນ
ວ່າ: ອາເມຣິກາ, ສ ເກົາຫຼີ ແລະ ຍີ່ປຸ່ນ ລ້ວນແຕ່ຮັບຮູ້ເປົ້າໝາຍລວມຂອງປະຊາຄົມສາກົນຢ່າງຈະແຈ້ງ, ນັ້ນແມ່ນຮັບປະກັນວ່າ ສປປ ເກົາຫຼີ ຈະປະຕິບັດບັນດາພັນທະສາ
ກົນຕາມບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສປຊ ຢ່າງຄົບຖ້ວນ.
ນອກຈາກນີ້ ລັດຖະມົນຕີກະຊວງປ້ອງກັນປະເທດ 3 ທ່ານ ໄດ້ໃຫ້ຄໍາໝັ້ນສັນຍາວ່າຈະເພີ່ມທະວີການຮ່ວມມືຄວາມໝັ້ນຄົງລະຫວ່າງ 3 ຝ່າຍ ຜ່ານການແບ່ງປັນຂໍ້
ມູນຂ່າວສານ, ປຶກສານະໂຍບາຍຂັ້ນສູງ ແລະ ຊ້ອມຮົບຮ່ວມກັນ.