ກອງທັບ ສປ ກົງໂກ ສືບຕໍ່ກວາດລ້າງກຸ່ມກໍ່ການຮ້າຍພາຍໃນປະເທດ
ສຳນັກຂ່າວ ອານຈາຊີຣາ ລາຍງານໃນວັນທີ 3 ມິຖຸນາ 2019 ນີ້ ວ່າ: ໂຄສົກປະຈຳກອງທັບ ສປ ກົງໂກ ໄດ້ເປີດເຜີຍໃນວັນອາທິດທີ່ ຜ່ານມາ: ກອງທັບສາມາດສັງ
ຫານກຸ່ມກໍ່ການຮ້າຍອີແອັດຊ໌ ( IS ) ແລະ ສະມາຊິກທີ່ເປັນເຄືອຂ່າຍໄດ້ 26 ຄົນ, ຈາກກໍລະນີທີ່ກອງທັບໄດ້ໂຈມ ຕີໃສ່ບາງພື້ນທີ່ໆໃກ້ກັບເມືອງ ບີນີ ແລະ ຍັງພື້ນທີ່ໆພະ
ຍາດ ອີໂບລາ ແຜ່ລາມ.
ການໂຈມຕີໃນຄັ້ງນີ້ ມີຂຶ້ນຕັ້ງແຕ່ວັນສຸກ ແລະ ຕໍ່ເນື່ອງມາຮອດຕອນເຊົ້າວັນເສົາ, ເຊິ່ງບໍລິເວນດັ່ງກ່າວນັ້ນມີພູມລຳເນົາທີ່ຊັບຊ້ອນກັນດານຈຶ່ງເປັນອຸປະສັກສຳລັບ
ກອງກຳລັງຝ່າຍລັດຖະບານ, ແຕ່ກົງກັນຂ້າມພັດເປັນເງື່ອນໄຂທີ່ດີໃຫ້ແກ່ກຸ່ມກໍ່ການຮ້າຍໃນການເອົາຕົວລອດ.
ກອງທັບ ສປ ກົງໂກ ໄດ້ເປີດເຜີຍອີກວ່າ: ການໂຈມຕີໃນຄັ້ງນີ້ ຖືວ່າເປັນການເປີດທາງໃຫ້ແກ່ໜ່ວຍງານດ້ານສາທາລະນະສຸກໄດ້ເຂົ້າໄປເບິ່ງແຍງໃຫ້ການຊ່ວຍເຫຼືອ
ແກ່ຜູ້ທີ່ຕິດເຊື້ອພະຍາດ ອີໂບລາ ໄດ້ເຕັມທີ່, ເພາະກ່ອນໜ້ານີ້ເຂດດັ່ງກ່າວມັກຈະມີການກໍ່ການຮ້າຍເປັນປະຈຳດັ່ງນັ້ນໜ່ວຍງານດ້ານສາທາລະນະສຸກຈຶ່ງບໍ່ສາມາດເຂົ້າ
ເຖິງໄດ້.
ສປ ກົງໂກ ເປັນປະເທດທີ່ທຸກຍາກ ແລະ ເຂົ້າສູ່ພາວະສົງຄາມການເມືອງນັບແຕ່ປີ 2013 ເປັນຕົ້ນມາ. ຕະຫຼອດໄລຍະ 6 ປີ ທີ່ຜ່ານມາ ໄດ້ເຮັດໃຫ້ມີຜູ້ເສຍຊີວິດຈຳ
ນວນຫຼາຍຄົນ ແລະ ໄດ້ຮັບຜົນກະທົບຈຳນວນຫຼາຍລ້ານຄົນ.