ຄວາມຄັດແຍ້ງຢູ່ໃນປະເທດ ລີບີ ຍັງຄົງສືບຕໍ່ຮຸນແຮງຂຶ້ນ
ສຳນັກຂ່າວ ອານຈາຊີຣາ ລາຍງານໃຫ້ຮູ້ວ່າ: ການຍິງຕໍ່ສູ້ກັນລະຫວ່າງກອງກຳລັງຂອງຝ່າຍລັດຖະບານທີ່ໄດ້ຮັບການສະໜັບສະໜູນຈາກສະຫະປະຊາຊາດ (ສປຊ)
ຢູ່ໃນ ລີບີ ກັບ ກອງທັບຢູ່ທາງພາກຕາເວັນອອກຂອງ ລີບີ ທີ່ເກີດຂຶ້ນຢູ່ໃນເມືອງ ອາບູກເຣນ ຫ່າງຈາກນະຄອນ ມິສຣາຕາ ປະມານ 140 ກິໂລແມັດ ນັ້ນໄດ້ສົ່ງຜົນໃຫ້ທະ
ຫານຈາກທັງສອງຝ່າຍເສຍຊີວິດ 24 ຄົນ ແລະ ໄດ້ຮັບບາດເຈັບອີກ 100 ກວ່າຄົນ.
ຝ່າຍກອງທັບພາກຕາເວັນອອກຂອງ ລີບີ ລາຍງານເມື່ອວັນທີ 27 ມັງກອນ ນີ້ວ່າ: ການຍິງຕໍ່ສູ້ ກັນດັ່ງກ່າວ, ໄດ້ເຮັດໃຫ້ທະຫານ ຂອງຝ່າຍຕົນເສຍຊີວິດ 12 ຄົນ
ແລະ ບາດເຈັບອີກ 55 ຄົນ.
ໃນຂະນະດຽວກັນ, ກອງກຳລັງຂອງຝ່າຍລັດຖະບານ ລີບີ ໃຫ້ຮູ້ວ່າ: ພົນທະຫານຂອງຝ່າຍຕົນເສຍຊີວິດ 12 ຄົນ ແລະ ບາດເຈັບອີກ 50 ກວ່າຄົນ