ອີຣັກ ສືບຕໍ່ກວາດລ້າງກຸ່ມ ອີແອັດຊ໌ ( IS )
ສໍານັກຂ່າວ ອານຈາຊີຣາ ລາຍງານໃນວັນທີ 2 ກັນຍາ 2019 ນີ້ວ່າ: ກອງກຳລັງຮັກສາຄວາມສະຫງົບຂອງ ອີຣັກ ໄດ້ເລີ່ມເປີດບັ້ນໂຈມຕີເປັນໄລຍະທີ 4 ໃນການ
ກວາດລ້າງພວກແຕກທັບຂອງອົງການກໍ່ການຮ້າຍ ລັດອິດສະລາມ ອີແອັດຊ໌ ( IS ) ຢູ່ໃນເຂດທະເລຊາຍທີ່ຂຶ້ນກັບ ແຂວງ ອານບາ.
ຕາມການຊີ້ນຳຂອງທ່ານ ອັບແດ ອັບດູ ມາດີ ນາຍົກລັດຖະມົນຕີ ອີຣັກ ທັງເປັນຜູ້ບັນຊາການສູງສຸດຂອງກອງກຳລັງປະກອບອາວຸດ ອີຣັກ ບັນດາກອງກຳລັງຂອງລັດ
ຖະບານ ອີຣັກ ໄດ້ຜັນຂະຫຍາຍການໂຈມຕີທີ່ໃສ່ຊື່ວ່າ "Victory Will" ຕັ້ງແຕ່ຕອນເຊົ້າຂອງວັນທີ 24 ສິງຫາ ທີ່ຜ່ານມາ. ເພື່ອກວາດລ້າງກຸ່ມຫົວຮຸນແຮງ ອີແອັດຊ໌ (IS)
ຢູ່ໃນເຂດທະເລຊາຍ ແລະ ເຂດອື່ນໆ ທີ່ຂຶ້ນກັບແຂວງ ອານບາ.
ກອງກຳລັງປະສົມປະກອບມີກອງທັບ, ຕໍາຫຼວດ ແລະ ບັນດາກົມກອງເຄິ່ງການທະຫານ ໄດ້ປະສານສົມທົບກັນໃນການຜັນຂະຫຍາຍບັ້ນຮົບດັ່ງກ່າວ ດ້ວຍການໜູນ
ຊ່ວຍຂອງກອງກຳລັງທະຫານອາກາດ ອີຣັກ ແລະ ບັນດາຍົນຂອງກອງກຳລັງປະສົມສາກົນຕ້ານ IS ເຊິ່ງມີ ສ. ອາເມຣິກາ ເປັນແກນນຳ. ກ່ອນໜ້ານັ້ນ ເມື່ອຕົ້ນເດືອນ ສິງ
ຫາ ທີ່ຜ່ານມາ ກອງກຳລັງຂອງ ອີຣັກ ກໍໄດ້ຜັນຂະຫຍາຍການໂຈມຕີໄລຍະທີ 3 ເພື່ອກວາດລ້າງກຸ່ມ ອີແອັດຊ໌ (IS) ຢູ່ທາງພາກເໜືອ ແລະ ພາກຕາເວັນອອກຂອງ ອີຣັກ.