ສປຊ ຈັດປະຊຸມດ່ວນຍ້ອນເຫດປະທະກັນ ເພີ່ມຂຶ້ນຢູ່ ສ ກົງໂກ
ວັນທີ 26 ມັງກອນ ນີ້, ສະພາຄວາມໝັ້ນຄົງສະຫະປະຊາຊາດ ຫຼື ສປຊ ໄດ້ຈັດການປະຊຸມດ່ວນ ຍ້ອນສະພາບການປະທະກັນ
ເພີ່ມຂຶ້ນລະຫວ່າງທະຫານ ແລະ ກຸ່ມກະບົດ M23.
ກ່ອນໜ້ານັ້ນ, ຂ່າວໃນ ວັນທີ 25 ມັງກອນ ຂອງຝ່າຍຕ່າງໆທີ່ກ່ຽວຂ້ອງໄດ້ໃຫ້ຮູ້ວ່າ: ມີທະຫານຕ່າງປະເທດ 13 ຄົນ ທີ່ຮັບໃຊ້
ໃນບັນດາກຳລັງຮັກສາສັນຕິພາບ ໄດ້ເສຍຊີວິດ ໃນການປະທະກັນຄັ້ງຕ່າງໆ ໃນໄລຍະມໍ່ໆມານີ້. ກຸ່ມກະບົດ M23 ພວມພະຍາຍາມ
ມຸ່ງໜ້າໄປເຂດ ໂກມາ (Goma), ນະຄອນ ຫຼັກຢູ່ພາກຕາເວັນອອກທີ່ມີຊັບພະຍາກອນທຳມະຊາດ ແຮ່ທາດຫຼາຍທີ່ສຸດຂອງ ສ ກົງ
ໂກ ແລະ ເປັນເຂດທີ່ມີປະຊາຊົນອາໄສຢູ່ຫຼາຍກວ່າ 1 ລ້ານຄົນ.
ໃນວັນທີ 25 ມັງກອນ ຜ່ານມາ, ໂຄສົກຂອງກອງທັບ ສາທາລະນະລັດ ປະຊາທິປະໄຕ ກົງໂກ ໄດ້ກ່າວວ່າ “ ຣໍວັນດາ ໄດ້ຕັດສິນ
ໃຈຍືດຄອງນະຄອນ ໂກມາ ”. ກ່ອນໜ້ານັ້ນ, ສ ກົງໂກ ໄດ້ປະກາດຕັດການພົວພັນທາງການທູດກັບ ຣໍວັນດາ.
ແຫຼ່ງທີ່ມາ: ຂກທ
ວັນທີ 30/01/2025