ສ ອາເມຣິກາ-ມາເລເຊຍ ລົງນາມ ຂໍ້ຕົກລົງ ການຄ້າແຮ່ທາດ
ສຳນັກຂ່າວ ຫວຽດນາມ ລາຍງານ ວັນທີ 28 ຕຸລາວ່າ: ສະຫະລັດ ອາເມຣິກາ ແລະ ມາເລເຊຍ ໄດ້ລົງນາມ ຂໍ້ຕົກລົງ ການຄ້າຄັ້ງສຳຄັນ
ເຊິ່ງເປັນການເປີດທາງ ໃຫ້ສະຫະລັດ ອາເມຣິກາ ສາມາດເຂົ້າເຖິງແຫຼ່ງແຮ່ຫາຍາກ ຂອງ ມາເລເຊຍ ໄດ້ຫຼາຍຂຶ້ນ. ສ່ວນມາເລເຊຍ ໄດ້ໃຫ້ຄຳ
ໝັ້ນສັນຍາບໍ່ຈຳກັດການສົ່ງອອກ ແຮ່ທາດສຳຄັນ ເພື່ອແລກກັບການຮັບຮອງການເກັບພາສີ 19% ຈາກ ສະຫະລັດ ອາເມຣິກາ.
ທ່ານ ໂດນັນ ທຣຳ ປະທານາ ທິບໍດີ ສ.ອາເມຣິກາ ແລະ ທ່ານ ອັນວາຣ ອີບຣາຮີມ ນາຍົກລັດຖະມົນຕີ ມາເລເຊຍ ໄດ້ລົງນາມຂໍ້ຕົກລົງ
ດ້ານການຄ້າໃນລະຫວ່າງກອງປະຊຸມສະມາຄົມປະຊາຊາດ ແຫ່ງອາຊີຕາເວັນອອກສ່ຽງໃຕ້ (ອາຊຽນ) ຢູ່ນະຄອນຫຼວງ ກວາລາລຳເປີ ເພື່ອຊ່ວຍ
ເພີ່ມໂອກາດ ໃຫ້ແກ່ ສະຫະລັດ ອາເມຣິກາ ໃນການ ເຂົ້າເຖິງແຫຼ່ງແຮ່ຫາຍາກ ຢູ່ໃນມາເລເຊຍ. ນອກນັ້ນ, ມາເລເຊຍ ຍັງໃຫ້ຄຳໝັ້ນສັນຍາ
ວ່າ ຈະເວັ້ນການຫ້າມ ຫຼື ກຳນົດ ໂກຕ້າ ໃນການສົ່ງອອກແຮ່ທາດສຳຄັນໄປຍັງ ສະຫະລັດ ອາເມຣິກາ.
ຂະນະທີ່ ສະຫະລັດ ອາເມຣິກາ ຈະຕົກລົງ ຮັບຮອງເອົາການເກັບພາສີ ຕ່າງຕອບແທນໃນອັດຕາ 19% ສຳລັບສິນຄ້າມາເລເຊຍ ຢ່າງເປັນ
ທາງການ.
ແຫຼ່ງທີ່ມາ: ຂກທ
ວັນທີ 29/10/2025