ຈີນ ປະກາດແຜນຫຼຸດການປ່ອຍແກັສ ເຮືອນແກ້ວ 7-10% ໃນປີ 2035
ວັນທີ 25 ກັນຍາ 2025 ທ່ານ ສີ ຈິ້ນຜິງ ຜູ້ນຳປະທານປະເທດ ຈີນ ເປີດເຜີຍໃນກອງປະຊຸມສຸດຍອດຜູ້ນຳດ້ານສະພາບອາກາດ
ເຊິ່ງຈັດໂດຍ ທ່ານ ອັນໂຕນິໂອ ກູແຕເຣສ ເລຂາທິການສະຫະປະຊາຊາດ (UN) ໃນວັນທີ 24 ກັນຍາຜ່ານມາວ່າ: ພາຍໃນປີ 2035 ຈີນ
ມີແຜນຈະຫຼຸດການປ່ອຍແກັສເຮືອນແກ້ວລົງ 7-10% ຈາກລະດັບສູງສຸດ ກ່ອນກອງປະຊຸມສຸດຍອດດ້ານສະພາບອາກາດ COP30 ຢູ່ປະ
ເທດບຣາຊິນໃນເດືອນພະຈິກ. ພ້ອມເຕືອນບາງປະເທດທີ່ເຄື່ອນໄຫວຕໍ່ຕ້ານການປ່ຽນຜ່ານພະລັງງານສະອາດລະດັບໂລກ. ທ່ານ ສີ ຈິ້ນຜິງ
ກ່າວອີກວ່າ: ພາຍໃນ 10 ປີ ຈີນ ມີແຜນຈະເພີ່ມກຳລັງການຜະລິດພະລັງງານ ແລະ ແສງຕາເວັນຂຶ້ນອີກ 6 ເທົ່າຈາກລະດັບໃນປີ 2020
ລວມທັງເພີ່ມອັດຕາການຊົມໃຊ້ເຊື້ອໄຟທີ່ບໍ່ແມ່ນຟໍຊິວໃນປະເທດຂຶ້ນອີກກວ່າ 30%. ຂະນະດຽວກັນ, ທ່ານໄດ້ຮຽກຮ້ອງບັນດາປະເທດ
ພັດທະນາແລ້ວໃຫ້ກ້າວຂຶ້ນມາເປັນຜູ້ນຳໃນການດຳເນີນງານດ້ານສະພາບອາກາດຢ່າງແຂງແຮງ. ທັງນີ້, ປະທານາທິບໍດີ ໂດນັນ ທຣຳ ອາເມ
ຣິກາ ກ່າວສູນທອນພົດ ເພື່ອໂຈມຕີການປ່ຽນແປງສະພາບອາກາດວ່າເປັນ “ເລື່ອງຂີ້ຕົວະ” ຕໍ່ກອງປະຊຸມສະມັດຊາໃຫຍ່ແຫ່ງສະຫະປະຊາ
ຊາດ ແລະ ວິພາກວິຈານປະເທດສະມາຊິກ EU ແລະ ຈີນ ທີ່ນຳເອົາເຕັກໂນໂລຊີພະລັງງານໝູນວຽນມາໃຊ້.
ທ່ານ ໂດນັນທຣຳ ສັ່ງໃຫ້ອາເມຣິກາຖອນຕົວຈາກຂໍ້ຕົກລົງປາຣີ ວ່າດ້ວຍສະພາບອາກາດທີ່ມີມາຍາວນານເປັນຄັ້ງທີ 2 ເຊິ່ງເປັນຂໍ້ຕົກ
ລົງທີ່ມີເປົ້າໝາຍເພື່ອປ້ອງກັນບໍ່ໃຫ້ອຸນຫະພູມໂລກເພີ່ມຂຶ້ນເກີນ 1,5 ອົງສາ ຜ່ານແຜນສະພາບອາກາດແຫ່ງຊາດ ໂດຍອາເມຣິກາເປັນປະ
ເທດທີ່ປ່ອຍແກັສ ເຮືອນແກ້ວຫຼາຍທີ່ສຸດໃນໂລກໃນອະດີດ ແລະ ເປັນອັນດັບສອງຂອງໂລກໃນປັດຈຸບັນ.
ແຫຼ່ງທີ່ມາ: ຂກທ
ວັນທີ 29/09/2025