ຣາແອນ ສືບຕໍ່ບຸກໂຈມຕີທາງອາກາດເຂົ້າກາຊາ ໃນທ່າມກາງການປະກາດຂໍ້ຕົກລົງຢຸດຍິງ
ວັນທີ 21 ຕຸລາ 2025 ກຳລັງປ້ອງກັນຕົວອິດສະຣາແອນ (IDF) ປະກາດວ່າ: ຍົນບໍ່ມີຄົນຂັບຂອງກອງທັບປະເທດ ໄດ້ເຂັ່ນຂ້າຊາວ
ປາແລັດສະຕິນ ຈຳນວນໜຶ່ງ ທີ່ຖືກກ່າວຫາວ່າແມ່ນຜູ້ກໍ່ການຮ້າຍຢູ່ເມືອງ Shejaiya ຂຶ້ນກັບເຂດຕາເວັນອອກນະຄອນກາຊາ, ທາງທິດ
ເໜືອຂອບເຂດກາຊາ. ໃນວັນດຽວກັນ, IDF ກໍ່ປະກາດວ່າ: ກອງທັບອິດສະຣາແອນ ໄດ້ບຸກໂຈມຕີ ແລະເຂັ່ນຂ້າພາກສ່ວນກໍ່ການຮ້າຍຈຳ
ນວນໜຶ່ງຢູ່ນະຄອນ Khan Younis, ທາງທິດໃຕ້ເຂດກາຊາ. ໄລ່ລວມໃນ 2 ວັນຜ່ານມາ, ການບຸກໂຈມຕີຄັ້ງຕ່າງໆຂອງກອງທັບອິດສະ
ຣາແອນ ຢູ່ເຂດກາຊາ ໄດ້ເຮັດໃຫ້ມີ 50 ຄົນເສຍຊີວິດ. ໃນວັນດຽວກັນ, ກອງທັບອິດສະຣາແອນ ກໍໄດ້ບຸກໂຈມຕີເຂົ້າປະເທດບ້ານໃກ້
ເຮືອນຄຽງລີບັງ ດ້ວຍເປົ້າໝາຍເລັ່ງໃສ່ໂຄງປະກອບການທະຫານຂອງຂະບວນການ ຮິສບອລເບາະ ຢູ່ເຂດ Nabatieh, ທາງທິດໃຕ້ຂອງລີ
ບັງ. ແຈ້ງການຂອງ IDF ຊີ້ແຈ້ງວ່າ: ກຸ່ມ ຮິສບອລເລາະ ພວມສືບຕໍ່ບັນດາຄວາມມານະພະຍາຍາມສ້າງພື້ນຖານໂຄງລ່າງການທະຫານຄືນ
ໃໝ່ໃນທົ່ວປະເທດລີບັງ ເຊິ່ງໄດ້ລະເມີດຄຳສັ່ງຢຸດຍິງລະຫວ່າງ ອິດສະຣາແອນ ແລະ ລີບັງ ທີ່ມີຜົນບັງຄັບໃຊ້ນັບແຕ່ເດືອນພະຈິກ ປີ 2024
ຢ່າງຮ້າຍແຮງ.
ແຫຼ່ງທີ່ມາ: ຂກທ
ວັນທີ 27/10/2025