ຫວຽດນາມ ແລະ ອາເມຣິກາ ເຊັນສັນຍາຕົກລົງຮ່ວມມືຫຼາຍສະບັບ
ວັນທີ 20 ກຸມພາ 2026 ນີ້ ຢູ່ນະຄອນຫຼວງ ວໍຊິງຕັນ ດີຊີ ສະຫະລັດ ອາເມຣິກາ, ບັນດາຄູ່ຮ່ວມມື ຫວຽດນາມ ແລະ
ອາເມຣິກາ ໄດ້ເຊັນສັນຍາ, ຂໍ້ຕົກລົງຮ່ວມມືຫຼາຍສະບັບໃນບັນດາຂົງເຂດຈຸດສຸມ ລວມມູນຄ່າທັງໝົດເຖິງ 37,2 ຕື້ໂດລາສະ
ຫະລັດ. ໂດຍມີທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ແລະ ການນຳສອງ
ປະເທດເຂົ້າຮ່ວມ.
ເອກະສານທີ່ສອງຝ່າຍໄດ້ແລກປ່ຽນ ແລະ ເຊັນຮ່ວມກັນ ນັ້ນ ລວມມີບັນດາຂະແໜງການ ສຳຄັນເປັນຕົ້ນແມ່ນຂົງເຂດ
ວິທະຍາສາດເຕັກໂນໂລຊີ, ການ ຫັນເປັນດີຈີຕອນ, ການບິນ ແລະ ສາທາລະນະສຸກ. ໃນນີ້ບໍລິສັດໃຫຍ່ການບິນ ຫວຽດນາມ
(Vietnam Airlines) ແລະ ກຸ່ມບໍລິສັດ Boeing ລົງນາມໃນສັນຍາຊື້ຂາຍຍົນ Boeing 737 MAX ຈຳນວນ 50 ລຳ.
ບໍລິສັດການບິນ Sun ຝຸກວັກ Airways ແລະ ກຸ່ມບໍລິສັດ Boeing ກໍໄດ້ລົງນາມໃນສັນຍາຊື້ຂາຍຍົນ Boeing 787-9
Dreamliner ຈຳນວນ 40 ລຳ. ໄປຄຽງຄູ່ກັນນັ້ນ, Vietjet ແລະ Pratt & Whitney ກໍໄດ້ເຊັນສັນຍາຮ່ວມມືເຊັ່ນດຽວກັນ.
ໃນຂົງເຂດສາທາລະນະສຸກ, ໂຮງໝໍຫຼາຍຂະແໜງ ເຕິມແອັງ ຫວຽດນາມ ແລະ ບໍລິສັດ Mevion Medical Systems
ໄດ້ເຊັນສັນຍາຊື້ຂາຍລະບົບ ສ່ອງ ເອັກຊະເລ ເພື່ອກວດຫາພະຍາດມະເຮັງ ທີ່ທັນສະໄໝທີ່ສຸດຢູ່ ອາເມຣິກາ.
ແຫຼ່ງທີ່ມາ: ຂກທ
ວັນທີ 24/02/2026