ຫວຽດນາມ ເປັນເຈົ້າການຜັນຂະຫຍາຍສັນຕິພາບ ສາກົນ
ວັນທີ 18-20 ກຸມພາ 2026 ນີ້, ທ່ານ ໂຕ ເລິມ ເລຂາທິການໃຫຍ່ ພັກກອມມູນິດຫວຽດນາມ ຈະເຂົ້າຮ່ວມກອງປະຊຸມ
ໄຂສະພາສັນຕິພາບ ເຂດກາຊາ ຢູ່ນະຄອນ ຫຼວງວໍຊິງຕັນ ຂອງ ສ.ອາເມຣິກາ, ດ້ວຍຖານະເປັນສະມາຊິກກໍ່ຕັ້ງ. ໃນໂອກາດດັ່ງກ່າວ,
ທ່ານ ຫງວຽນ ກວັກ ຢຸງ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສ ອາເມຣິກາ ໄດ້ຢັ້ງຢືນວ່າ: ການ
ປະຕິບັດງານ ໄດ້ສະແດງໃຫ້ເຫັນຄຳໝັ້ນສັນຍາ ຢ່າງເຂັ້ມແຂງຂອງ ຫວຽດນາມ ສຳລັບຄວາມພະຍາຍາມຕໍ່ວຽກງານສັນຕິພາບສາ
ກົນ. ທ່ານ ໂຕ ເລິມ ພ້ອມກັບບັນດາສະມາຊິກປະເທດອື່ນໆ ຂອງສະພາຈະໄດ້ແລກປ່ຽນ, ກຳນົດບັນດາວຽກງານເຊິ່ງສະພາຈະດຳ
ເນີນ ເພື່ອແນໃສ່ຜັນຂະຫຍາຍແຜນການສັນຕິພາບໃຫ້ແກ່ ເຂດກາຊາ ຕາມມະຕິ ສະບັບເລກທີ 2830 ຂອງ ສະພາຄວາມໝັ້ນຄົງ
ສປຊ. ການເຂົ້າຮ່ວມ ຂອງການນຳສູງສຸດຂອງ ຫວຽດນາມ ໄດ້ສະແດງໃຫ້ເຫັນເຖີງການສະໜັບ ສະໜູນ ແລະ ຄວາມພ້ອມເຂົ້າ
ຮ່ວມຂອງຫວຽດນາມ ໃນບັນດາຄວາມພະຍາຍາມລວມ ຂອງປະຊາຄົມສາກົນ ເພື່ອສັນຕິພາບ ແລະ ການພັດທະນາ.
ທ່ານ ຫງວຽນ ກວັກ ຢຸງ ກ່າວຕື່ມວ່າ: ຫວຽດນາມ ກາຍເປັນສະມາຊິກກໍ່ຕັ້ງຂອງສະພາສັນຕິພາບ ແມ່ນນະໂຍບາຍ ສະເໝີ
ຕົ້ນສະເໝີປາຍໃນແນວທາງການຕ່າງປະເທດ, ເຊື່ອມໂຍງປະຕິບັດບັນດາພາລະກຳລວມ. ການປະຕິບັດງານໃນຄັ້ງນີ້, ຈະເປັນການສືບ
ຕໍ່ປັບປຸງຄວາມໄວ້ເນື້ອ ເຊື່ອໃຈດ້ານການເມືອງ, ເປີດກວ້າງການຮ່ວມມືຢ່າງແທດຈິງ ແລະ ສ້າງກຳລັງໜູນເພີ່ມເຕີມໃຫ້ແກ່ ສາຍພົວ
ພັນ ຫວຽດນາມ-ສ ອາເມຣິກາ ໃນໄລຍະຈະມາເຖິງ.
ແຫຼ່ງທີ່ມາ: ຂກທ
ວັນທີ 23/02/2026