ມຽນມາ ເພີ່ມມາດຕະການ ຮັກສາຄວາມປອດໄພ ກ່ອນເຖິງ ວັນເລືອກຕັ້ງ
ວັນທີ 15 ສິງຫານີ້ ທ່ານ ມິນອ່ອງ ຫຼ່າຍ ຜູ້ບັນຊາການ ທະຫານສູງສຸດ ແລະ ຜູ້ນຳລັດຖະບານທະຫານມຽນມາ ໄດ້ເນັ້ນໜັກໃຫ້ທຸກ
ໜ່ວຍງານທີ່ກ່ຽວຂ້ອງ ໃຫ້ເພີ່ມມາດຕະການ ຢ່າງເຂັ້ມງວດ ເພື່ອຮັກສາຄວາມປອດໄພ ກ່ອນເຖິງວັນເລືອກຕັ້ງ ທົ່ວປະເທດໃນທ້າຍປີນີ້,
ໂດຍສະເພາະກັບ ສະມາຊິກພັກການ ເມືອງ ແລະ ຜູ້ສະໝັກຮັບເລືອກຕັ້ງທົ່ວໄປ.
ສຳນັກງານສະຖິຕິແຫ່ງຊາດ ມຽນມາ ລາຍງານວ່າ ຜົນສຳຫຼວດສຳມະໂນຄົວປະຊາກອນ ແຫ່ງຊາດ ໄດ້ເກີດຂຶ້ນເປັນຄັ້ງທຳອິດໃນຮອບ
10 ປີ ເມື່ອເດືອນຕຸລາປີກາຍ, ພ້ອມທັງຢືນຢັນຈຳນວນ ປະຊາກອນ 51,3 ລ້ານຄົນ, ຫຼຸດລົງປະມານ 200.000 ຄົນ ເມື່ອທຽບກັບສະຖິຕິ
ຈາກການສຳຫຼວດ ເມື່ອປີ 2014 ລວມມີ 51,5 ລ້ານຄົນ.
ຜົນການສຳຫຼວດ ດັ່ງກ່າວ ໄດ້ແບ່ງອອກເປັນສອງແບບຄື: ປະຊາກອນທີ່ເຈົ້າໜ້າທີ່ສາມາດເຂົ້າເຖິງໄດ້ປະ ມານ 32,19 ລ້ານຄົນ ແລະ
ອີກ 19,12 ລ້ານຄົນ ຢູ່ໃນພື້ນທີ່ຫຍຸ້ງ ຍາກ ໃນການເຂົ້າໄປສຳຫຼວດ ແລະ ການສຳຫຼວດສຳມະໂນປະຊາກອນຂອງ ມຽນມາ ບໍ່ລວມ ຊາວ
ໂຣຮິງຢາ ໂດຍສ່ວນໃຫຍ່ ອາໄສຢູ່ ໃນລັດຍະໄຂ່ ທາງພາກຕາເວັນຕົກຂອງປະເທດມຽນມາ.
ແຫຼ່ງທີ່ມາ: ຂກທ
ວັນທີ 19/08/2025