ຫຼາຍປະເທດ ຮຽກຮ້ອງໃຫ້ຢຸດຕິການປະທະກັນ ຢູ່ເຂດຕາເວັນອອກກາງ
ວັນທີ 12 ມີນາ ວ່າ: ການປະທະກັນຢູ່ເຂດຕາເວັນອອກກາງ ໄດ້ສືບຕໍ່ເພີ່ມທະວີຄວາມຮ້າຍແຮງຂຶ້ນ ເຮັດໃຫ້ປະຊາຄົມສາກົນ
ມີຄວາມວິຕົກກັງວົນທີ່ສຸດ ຕໍ່ເຫດການດັ່ງກ່າວ ແລະ ຫຼາຍປະເທດ ໄດ້ຮຽກຮ້ອງໃຫ້ບັນດາຝ່າຍ ຈົ່ງລະງັບໃຈ ເພື່ອຫຼີກລ້ຽງ ການ
ແຜ່ລາມອອກໄປສູ່ວົງກວ້າງ.
ທ່ານ ເຊີຣເກ ລາຟຣັອຟ ລັດ ຖະມົນຕີກະຊວງການຕ່າງປະ ເທດ ຣັດເຊຍ ລະບຸວ່າ, ນີ້ແມ່ນຈຸດເວລາທີ່ເໝາະສົມ ເພື່ອຜັນຂະ
ຫຍາຍຂໍ້ສະເໜີຂອງທ່ານ ປະທານາທິບໍດີ ວະລາດີເມຍ ປູຕິນ ກ່ຽວກັບ ການຈັດກອງປະຊຸມສຸດຍອດ 5 ປະເທດສະມາ ຊິກຖາວອນ
ຂອງສະພາຄວາມໝັ້ນຄົງ ແຫ່ງອົງການສະຫະປະຊາຊາດ. ທ່ານ ອັນວາຣ ອິມບຣາຮິມ ນາຍົກລັດຖະມົນຕີ ມາເລເຊຍ ກ່າວວ່າ, ບັນ
ດາການເຄື່ອນໄຫວດ້ານການທະຫານຂອງ ສະຫະລັດອາເມຣິກາ ແລະ ອິດສະຣາແອນ ຮ່ວມກັນໂຈມຕີ ອີຣານ ແມ່ນເປັນການ “ລະ
ເມີດ ກົດໝາຍສາກົນ ກໍຄື ບັນດາຫຼັກການນິຕິກຳ ແລະ ຄຸນສົມບັດ” ຂອງສາ ກົນຢ່າງຈະແຈ້ງ. ຂະນະດຽວກັນ, ທ່ານ ຮາການ ຟີ
ດານ ລັດຖະມົນຕີກະຊວງການຕ່າງປະເທດ ຕວກກີ ກໍໄດ້ກ່າວເຕືອນ ກ່ຽວກັບຄວາມສ່ຽງໃນການຂາດສະຖຽນລະພາບຢູ່ ອີຣານ ຈະ
ເພີ່ມຂຶ້ນ.
ຄຽງຄູ່ກັນນັ້ນ ທ່ານຍັງເນັ້ນໜັກວ່າ, ຕວກກີ ຄັດຄ້ານທຸກແຜນການ, ສວຍໃຊ້ການຈຳແນກເຊື້ອຊາດເຜົ່າພັນ ເພື່ອແບ່ງແຍກ ພາຍ
ໃນ ອີຣານ, ສະນັ້ນ ຈຶ່ງຖືວ່າເປັນ “ແຜນການອັນຕະລາຍທີ່ສຸດ” ຕໍ່ກັບຄວາມສະຖຽນລະພາບ ຢູ່ພາກພື້ນຕາເວັນອອກກາງ ແລະ ເອີຣົບ
ໃກ້ຄຽງ.
ແຫຼ່ງທີ່ມາ: ຂກທ
ວັນທີ 16/03/2026