ສປ ຈີນ ຈະຍົກເລີກພາສີພິເສດ ສຳລັບລົດປະຢັດພະລັງງານບາງປະເພດ
ສໍານັກຂ່າວຊິນຮວາ, ກະຊວງການເງິນຂອງຈີນໄດ້ປະກາດວ່າ: ຈີນຈະຍົກເລີກນະໂຍບາຍເກັບພາສີຍານພາຫະນະ ແລະ ເຮືອ ໃນ
ອັດຕາເຄິ່ງໜຶ່ງ (ຫຼຸດ 50%) ສຳລັບຍານພາຫະນະປະຢັດພະລັງງານ. ພ້ອມກັນນັ້ນ ກໍຈະຍົກເລີກການຍົກເວັ້ນພາສີສຳລັບຍານພາຫະ
ນະພະລັງງານໃໝ່ (NEV) ບາງປະເພດ ເຊັ່ນ: ຍານ ພາຫະນະເພື່ອການຄ້າ ທີ່ເປັນລະບົບໄຟຟ້າ100%, ຍານພາຫະນະປລັກອິນ ໄຮ
ບຣິດ ແລະ ຍານພາຫະນະ ເພື່ອການຄ້າແຊວເຊື້ອໄຟ ເລີ່ມຕັ້ງແຕ່ວັນທີ 1 ມັງກອນ 2027 ເປັນຕົ້ນໄປ, ເຊິ່ງຜູ້ເສຍພາສີທີ່ມີຍານພາ
ຫະນະປະເພດເຫຼົ່ານີ້ຈະຕ້ອງໄດ້ຊຳລະພາສີເປັນລາຍປີ.
ໃນຂະນະທີ່ ພາສີຍານພາຫະນະ ແລະ ເຮືອ ແມ່ນພາສີຊັບສິນທີ່ຮຽກເກັບເປັນລາຍປີ ຈາກເຈົ້າຂອງ ຫຼື ຜູ້ຄອບຄອງຍານພາຫະນະ
ແລະ ເຮືອ. ໂດຍແຕ່ລະພາກພື້ນໃນລະດັບແຂວງ ສາມາດກຳນົດອັດຕາພາສີ ທີ່ຈະນຳມາໃຊ້ບັງຄັບສະເພາະໃນພື້ນທີ່ຂອງຕົນເອງໄດ້ ພາຍ
ໃຕ້ຂອບອັດຕາພາສີທີ່ສູນກາງກຳນົດໄວ້. ເຖິງຢ່າງໃດກໍຕາມ, ຍານພາຫະນະສ່ວນບຸກຄົນ ທີ່ເປັນລະບົບໄຟຟ້າ100% ແລະ ໃຊ້ແຊວເຊື້ອ
ໄຟ ແມ່ນຍັງຄົງບໍ່ໄດ້ຮັບຜົນກະທົບຈາກການປັບປ່ຽນນະໂຍບາຍໃນຄັ້ງນີ້ ແລະ ຈະໄດ້ຮັບການຍົກເວັ້ນພາສີຕໍ່ໄປ ເນື່ອງຈາກຍານພາຫະນະ
ທັງສອງປະເພດນີ້ ບໍ່ໄດ້ຢູ່ໃນຂອບເຂດການເກັບພາສີ ຕາມກົດໝາຍວ່າດ້ວຍພາສີຍານພາຫະນະ ແລະ ເຮືອ ຂອງຈີນ.
ແຫຼ່ງທີ່ມາ: ຂກທ
ວັນທີ 13/07/2026