ນາຍົກລັດຖະມົນຕີ ສະເໜີໃຫ້ JCCI ໜູນຊ່ວຍວິສາຫະກິດ ຫວຽດນາມ
ຕາມຂ່າວ (VOVWO-RLD) ຫວຽດນາມ, ນາຍົກລັດຖະມົນຕີ ຫວຽດນາມ ສະເໜີໃຫ້ JCCI ແລະ ຄະນະກຳມະການ
ເສດຖະກິດຍີ່ປຸ່ນ-ແມ່ນ້ຳຂອງສືບຕໍ່ປະສານສົມທົບຢ່າງແໜ້ນແຟ້ນກັບບັນດາກະຊວງ, ຂະແໜງການທີ່ກ່ຽວຂ້ອງຂອງສອງປະເທດ
ຊຸກຍູ້ການລົງທຶນ, ຍົກສູງຄຸນນະພາບການລົງທຶນ. ຕອນບ່າຍວັນທີ 9 ກຸມພາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້
ເຮັດວຽກກັບການນຳບັນດາວິສາຫະກິດຂຶ້ນກັບຫ້ອງການຄ້າ ແລະ ອຸດສາຫະກຳ ຍີ່ປຸ່ນ (JCCI) ໂດຍທ່ານ Keita Ishii ປະທານ
ຄະນະກຳມະການເສດຖະກິດຍີ່ປຸ່ນ - ແມ່ນ້ຳຂອງ, ປະທານ ທັງເປັນ CEO ກຸ່ມບໍລິສັດ Itochu ເປັນຫົວໜ້າຄະນະ. ທ່ານນາຍົກ
ລັດຖະມົນຕີ ຕີລາ ຄາສູງການຮ່ວມມື, ປະກອບສ່ວນອັນລ້ຳຄ່າຂອງ JCCI ກໍຄືຄະນະກຳມະການເສດຖະກິດຍີ່ປຸ່ນ- ແມ່ນ້ຳຂອງ
ໃນການຊຸກຍູ້ການພົວພັນລະຫວ່າງສອງປະເທດ, ເປັນຂົວເຊື່ອມຕໍ່ຊ່ວຍບັນດາວິສາຫະກິດ ຍີ່ປຸ່ນ ສືບຕໍ່ເປີດກວ້າງການລົງທຶນເຂົ້າ
ຫວຽດນາມ. ທ່ານນາຍົກລັດຖະມົນຕີ ຟ້າມມິງຈິງ ສະເໜີ JCCI ແລະ ຄະນະກຳມະການເສດຖະກິດຍີ່ປຸ່ນ-ແມ່ນ້ຳຂອງສືບຕໍ່ປະ
ສານສົມທົບຢ່າງແໜ້ນແຟ້ນ ກັບບັນດາກະຊວງ, ຂະແໜງການທີ່ກ່ຽວຂ້ອງຂອງສອງປະເທດ ຊຸກຍູ້ການລົງທຶນ, ຍົກສູງຄຸນນະພາບ
ການລົງທຶນ, ພິເສດ ແມ່ນຊຸກຍູ້ຢ່າງແຮງການຖ່າຍທອດເຕັກໂນໂລຊີ ແລະ ໜູນຊ່ວຍວິສາຫະກິດ ຫວຽດນາມ ຍົກສູງຄວາມສາມາດ
ໃນການຍາດແຍ່ງ ເຂົ້າຮ່ວມລະບົບມູນຄ່າຂອງບັນດາວິສາຫະກິດ, ກຸ່ມບໍລິສັດໃຫຍ່ຂອງ ຍີ່ປຸ່ນ ຢ່າງເລິກເຊິ່ງ.
ແຫຼ່ງທີ່ມາ: ຂກທ
ວັນທີ 12/02/2026