ທ່ານ ຟ້າມ ມິງ ຈິງ ຕ້ອນຮັບ ຄະນະກຳມະການເສດຖະກິດ ອາຊີ-ເອີຣົບ
ຕາມຂ່າວສານອອນໄລ ຫວຽດນາມ, ຕອນບ່າຍວັນທີ 3 ມີນາ, ທີ່ສຳນັກງານນາຍົກລັດຖະມົນຕີ, ທ່ານ ຟ້າມມິງຈິ໊ງ ນາ
ຍົກລັດຖະມົນຕີຫວຽດນາມ ໄດ້ຕ້ອນຮັບທ່ານ Bakytzhan Sagintayev ປະທານສະພາຄະນະກຳມະການເສດຖະກິດ
ອາຊີ-ເອີລົບ (EAEU) ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ສອງຝ່າຍໄດ້ຕີລາຄາສູງຕໍ່ໝາກຜົນທີ່ຕັ້ງໜ້າຫຼັງ
ຈາກ 10 ປີ ແຫ່ງການລົງນາມໃນສັນຍາການຄ້າເສລີລະຫວ່າງ ຫວຽດນາມ ແລະ EAEU (ລວມມີ ຣັດເຊຍ, ເບລາຣຸດ, ກາ
ຊັກສະຖານ, ອາກເມນີ ແລະ ກຽກກິດສະຖານ).
ທ່ານ ຟ້າມ ມິງ ຈິ໊ງ ຖືວ່າ ຕ້ອງສືບຕໍ່ຊຸກຍູ້ການພົວພັນ ລະຫວ່າງ ຫວຽດນາມ - EAEU ດ້ວຍບັນດາສັນຍາ, ໂຄງການ
ຮ່ວມມືທີ່ລະອຽດ; ຂຸດຄົ້ນສັນຍາໃຫ້ດີຂຶ້ນ, ເປີດປະຕູຕະຫຼາດຕື່ມອີກ, ຊຸກຍູ້ການຄ້າ, ການລົງທຶນ, ເສີມຂະຫຍາຍບັນດາທ່າ
ແຮງທີ່ເພີ່ມເຕີມເຊິ່ງກັນ ແລະ ກັນ ດ້ວຍຈິດໃຈແຫ່ງຄວາມສາມັກຄີ ເພື່ອມີກຳລັງແຮງ, ການຮ່ວມມື ເພື່ອມີແຫຼ່ງກຳລັງ, ແລກ
ປ່ຽນ ເພື່ອປັບປຸງຄວາມໄວ້ເນື້ອເຊື່ອໃຈ ແລະ ຜົນປະໂຫຍດທີ່ກົມກຽວ ແລະ ແບ່ງປັນຄວາມສ່ຽງ. ເພື່ອຊຸກຍູ້ການຮ່ວມມືສອງ
ຝ່າຍ ລະຫວ່າງຫວຽດນາມ ແລະ ບັນດາປະເທດ EAEU ເວົ້າລວມໃນໄລຍະຈະມາເຖິງ, ທ່ານນາຍົກລັດຖະມົນຕີ ສະເໜີໃຫ້
ສືບຕໍ່ຜັນຂະຫຍາຍກົນໄກການຮ່ວມມື ລະຫວ່າງ ສອງຝ່າຍຢ່າງມີປະສິດທິຜົນ ເພື່ອແກ້ໄຂຂໍ້ຕິດຂັດທາງດ້ານເຕັກນິກຢ່າງທັນ
ການ; ບັນດາປະເທດສະມາຊິກ EAEU ພິຈາລະນາຍົກເລີກມາດຕະການປ້ອງກັນລະດັບ ແລະ ເພີ່ມໂຄຕ້າ ສຳລັບສິນຄ້າບາງ
ປະເພດໃຫ້ຫວຽດນາມ; ເປີດກວ້າງການນຳເຂົ້າສິນຄ້າຫວຽດນາມ ທີ່ມີທ່າແຮງ, ຄື: ຜະລິດຕະພັນກະເສດ, ສິນໃນທະເລ, ສິນ
ໃນນ້ຳ, ເອເລກໂຕນິກ...ທ່ານ Bakytzhan Sagintayev ໄດ້ຕີລາຄາສູງຕໍ່ໝາກຜົນທີ່ໜ້າປະທັບໃຈທີ່ ຫວຽດນາມ ບັນລຸ
ໄດ້ໃນໄລຍະຜ່ານມາໃນການຊຸກຍູ້ການເຕີບໂຕທາງເສດຖະກິດ ແລະ ສະຖຽນລະພາບເສດຖະກິດມະຫາພາກ; ເຊື່ອໝັ້ນວ່າ
ໃນໄລຍະຈະມາເຖິງ, ການພົວພັນສອງຝ່າຍຈະສືບຕໍ່ໄດ້ຮັບການປັບປຸງ, ພັດທະນາຢ່າງແຂງແຮງ; ສະມາຊິກ EAEU ທຸກປະ
ເທດລ້ວນແຕ່ຢາກເພີ່ມທະວີການຮ່ວມມືກັບຫວຽດນາມ; ພ້ອມທັງຢືນຢັນວ່າ ຫວຽດນາມ ແລະ EAEU ມີຄວາມຕ້ອງການ
ເພີ່ມທະວີການຮ່ວມມືໃນໄລຍະໃໝ່ ແລະ ຄວາມສາມາດບົ່ມຊ້ອນການຮ່ວມມືລະຫວ່າງສອງຝ່າຍແມ່ນໃຫຍ່ຫຼວງຫຼາຍ ດ້ວຍ
ຄວາມໄວ້ເນື້ອເຊື່ອໃຈທາງດ້ານການເມືອງສູງ.
ແຫຼ່ງທີ່ມາ: ຂກທ
ວັນທີ 10/03/2026