ຂະໜາດການຄ້າ-ການບໍລິການຂອງ ຈີນ ເປີດກວ້າງຢ່າງໝັ້ນທ່ຽງ
ວັນທີ 9 ກຸມພາ ວ່າ: ກະຊວງການຄ້າຈີນ ໄດ້ເປີດເຜີຍໃຫ້ຮູ້ວ່າ: ປີ 2025, ການຄ້າການບໍລິການຂອງ ສປ ຈີນ ໄດ້ຮັກສາການ
ເຕີບໂຕຢ່າງໝັ້ນທ່ຽງ, ໂດຍຍອດມູນຄ່າການນຳເຂົ້າ ແລະ ສົ່ງອອກການບໍລິການມີເຖິງ 8 ຕື້ ກວ່າຢວນ, ເພີ່ມຂຶ້ນ 7,4% ເມື່ອທຽບ
ໃສ່ປີ 2024. ໃນນັ້ນ, ມູນຄ່າການສົ່ງອອກມີເຖິງ 3 ຕື້ກວ່າຢວນ, ເພີ່ມຂຶ້ນ 14,2%. ປີ 2025, ມູນຄ່າຂາເຂົ້າ-ຂາອອກຂອງການບໍ
ລິການແບບສຸມຄວາມຮູ້ມີເຖິງ 3 ຕື້ ກວ່າຢວນ, ເພີ່ມຂຶ້ນ 6,6% ເມື່ອທຽບໃສ່ປີ 2024, ໄດ້ເກີນດຸນການຄ້າເຖິງ 576 ຕື້ກວ່າຢວນ,
ເພີ່ມຂຶ້ນ 158 ຕື້ກວ່າຢວນເມື່ອທຽບໃສ່ປີ 2024. ຂະນະທີ່ ສປ ຈີນ ເປີດກວ້າງການຍົກເວັ້ນວີຊ່າຢ່າງຕໍ່ເນື່ອງ ແລະ ປັບປຸງນະໂຍບາຍ
ຖອນຄືນພາສີໃນເວລາເດີນທາງອອກຈາກ ສປ ຈີນ ຢ່າງບໍ່ຢຸດຢັ້ງ, ເຊິ່ງໄດ້ດຶງດູດນັກທ່ອງທ່ຽວຕ່າງປະເທດເຂົ້າໄປທ່ອງທ່ຽວ ແລະ ດຳ
ເນີນທຸລະກິດຢູ່ ສປ ຈີນ ຫຼາຍກວ່າເກົ່າ, ເຮັດໃຫ້ການສົ່ງອອກການບໍລິການດ້ານການທ່ອງທ່ຽວໃນປີ 2025 ເພີ່ມຂຶ້ນ ຫຼາຍກວ່າປີ
2024 ເຖິງ 49,5%.
ແຫຼ່ງທີ່ມາ: ຂກທ
ວັນທີ 10/02/2026