ອາເມຣິກາ ສະເໜີເງິນ 2.500 ໂດລາ ໃຫ້ເດັກທີ່ບໍ່ມີຜູ້ປົກຄອງອົບພະຍົບກັບປະເທດ
ສຳນັກຂ່າວຊິນຮວາລາຍງານໃນວັນທີ 6 ຕຸລາ 2025 ວ່າ: ລັດຖະບານຂອງປະທານາທິບໍດີ ໂດນັນ ທຣຳ ຜູ້ນຳອາເມຣິກາ ສະເໜີ
ມອບເງິນ 2.500 ໂດລາ ໃຫ້ເດັກນ້ອຍຜູ້ອົບພະຍົບທີ່ບໍ່ມີຜູ້ປົກຄອງ ຫຼື ຜູ້ເບິ່ງແຍງຕາມກົດໝາຍ ເພື່ອກະຕຸ້ນໃຫ້ເດີນທາງອອກຈາກ
ອາເມຣິກາ ດ້ວຍຄວາມສະໝັກໃຈ ຕາມຈົດໝາຍທີ່ສົ່ງ ໄປຫາສູນສຳລັບຜູ້ລີ້ໄພໃນ ວັນທີ 3 ຕຸລາ ຜ່ານມາ.
ສຳນັກງານຈັດຫາທີ່ພັກຜູ້ລີ້ໄພຂອງກະຊວງຄວາມໝັ້ນຄົງແຫ່ງມາຕຸພູມ (DHS) ລະບຸວ່າ: ກະຊວງຄວາມໝັ້ນຄົງແຫ່ງມາ ຕຸພູມ
ຈະມອບເງິນສະໜັບສະ ໜູນການຈັດຫາທີ່ພັກຄັ້ງດຽວ ໃຫ້ເດັກທີ່ບໍ່ມີຜູ້ປົກຄອງອາຍຸ 14 ປີຂຶ້ນໄປ ໂດຍເຈົ້າໜ້າທີ່ກວດຄົນເຂົ້າເມືອງ
ແລະ ອາກອນ (ICE) ລະບຸວ່າ: ຂໍ້ສະເໜີນີ້ເລີ່ມມອບໃຫ້ເດັກອາຍຸ 17 ປີເປັນອັນດັບທຳອິດ. ຂໍ້ຄວາມໃນຈົດໝາຍຍັງລະບຸວ່າ: ເດັກທີ່
ມາຈາກແມັກຊິກບໍ່ສາມາດເຂົ້າຮ່ວມໂຄງການນີ້ໄດ້, ແຕ່ເດັກທີ່ສະໝັກໃຈອອກຈາກອາເມຣິກາກ່ອນວັນທີ 3 ຕຸລາ ຈະໄດ້ຮັບສິດຕາມ
ຂໍ້ສະເໜີນີ້. ເຈົ້າໜ້າທີ່ຂອງ ICE ແລະ DHS ຢືນຢັນວ່າມີຂໍ້ສະເໜີທາງການເງິນເກີດຂຶ້ນແທ້, ແຕ່ບໍ່ໄດ້ລະບຸຈຳນວນເງິນຊັດເຈນ.
ທັງນີ້, ຂໍ້ສະເໜີນີ້ຖືເປັນຂໍ້ສະເໜີທາງການເງິນຫລ້າສຸດຈາກ DHS ພາຍໃຕ້ການນຳຂອງປະທານາທິບໍດີ ໂດນັນ ທຣຳ ເພື່ອສົ່ງເສີມ
ການເນລະເທດໂດຍສະໝັກໃຈ ໂດຍໃນ ເດືອນ ມິຖຸນາ ຜ່ານມາ ກະຊວງການຕ່າງປະເທດອາເມຣິກາ ໄດ້ໂອນເງິນ 250 ລ້ານໂດລາ
ໃຫ້ DHS ສຳລັບການເນລະເທດ ໂດຍສະໝັກໃຈ ພ້ອມສະເໜີເງິນ 1.000 ໂດລາ ໃຫ້ຜູ້ລີ້ໄພທີ່ເດີນທາງກັບປະເທດດ້ວຍຕົນເອງ. ຈາກ
ຂໍ້ມູນຂອງລັດຖະບານອາເມຣິກາ ແລ້ວ ເດັກທີ່ອົບພະຍົບ 600.000 ກວ່າຄົນໄດ້ຂ້າມແດນ ອາເມຣິກາ-ແມັກຊິກ ໂດຍບໍ່ມີຜູ້ປົກຄອງ ຫຼື
ຜູ້ເບິ່ງແຍງຕາມກົດໝາຍນັບແຕ່ປີ 2019.
ແຫຼ່ງທີ່ມາ: ຂກທ
ວັນທີ 09/10/2025