ການຕ່າງປະເທດ, ການເຊື່ອມໂຍງເຂົ້າກັບສາກົນ ຕ້ອນຮັບໃຊ້ການພັດທະນາ,
ການເປັນເຈົ້າຍຸດທະສາດ
ຕາມຂ່າວຫວຽດນາມ, ໃນສະພາບການໂລກມີການຫັນປ່ຽນຢ່າງວ່ອງໄວ, ສັບສົນ, ວຽກງານການຕ່າງປະເທດ, ການເຊື່ອມໂຍງເຂົ້າ
ກັບສາກົນຕ້ອງ ໄດ້ມີການຄາດຄະເນລ່ວງໜ້າ, ໃຫ້ຄຳປຶກສາຢ່າງວ່ອງໄວ. ຕອນບ່າຍວັນທີ 30 ມິຖຸນາ ຜ່ານມາ, ຢູ່ສຳນັກງານສູນກາງພັກ
ທີ່ຮ່າໂນ້ຍ, ຄະນະຊີ້ນຳສູນກາງກ່ຽວກັບການຕ່າງປະເທດ ແລະ ການເຊື່ອມໂຍງເຂົ້າກັບສາກົນ (ຄະນະຊີ້ນຳ) ໄດ້ຈັດວາລະກອງປະຊຸມ ຄັ້ງ
ທີ 1, ພາຍໃຕ້ການເປັນປະທານຂອງທ່ານ ໂຕ ເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານ
ປະເທດ ຫວຽດນາມ, ຫົວໜ້າຄະນະຊີ້ນຳ. ໂດຍມີ ທ່ານ ເລ ມິນ ຮຶງ ນາຍົກລັດຖະມົນຕີ, ທ່ານ ເຈິ່ນ ແທັງ ເໝີ້ນ ປະທານສະພາແຫ່ງ
ຊາດ, ທ່ານ ເຈິ່ນ ເກິມ ຕູ ຜູ້ປະຈຳການຄະນະເລຂາທິການສູນກາງພັກ ເຂົ້າຮ່ວມ.
ກ່າວຄຳເຫັນສະຫຼຸບວາລະປະຊຸມ, ທ່ານ ໂຕ ເລິມ ເນັ້ນໜັກວ່າ, ໃນສະພາບການໂລກມີການຫັນປ່ຽນຢ່າງວ່ອງໄວ, ສັບສົນ, ວຽກ
ງານການຕ່າງປະເທດ, ການເຊື່ອມໂຍງເຂົ້າກັບສາກົນຕ້ອງໄດ້ມີການຄາດຄະເນລ່ວງໜ້າ, ໃຫ້ຄຳປຶກສາຢ່າງວ່ອງໄວ, ຊັດເຈນ ແລະ ເປັນເຈົ້າ
ການໃນການກະທຳ ໃນຂະນະນັ້ນຄວາມຮຽກຮ້ອງການພັດທະນາປະເທດຊາດຮອດປີ 2030, ວິໄສທັດຮອດປີ 2045 ແມ່ນມີຄວາມຄາດ
ຫວັງຢ່າງໃຫຍ່ຫຼວງ, ມີເປົ້າໝາຍສູງທີ່ສຸດ. ການຕ່າງປະເທດ ແລະ ການເຊື່ອມໂຍງເຂົ້າກັບສາກົນຕ້ອງຮັບໃຊ້ໃຫ້ແກ່ການພັດທະນາ, ເປັນ
ເຈົ້າຍຸດທະສາດ ແລະ ຍົກສູງກຳລັງແກ່ງແຍ້ງແຫ່ງຊາດໂດຍກົງກວ່າ. ເມື່ອກ່າວເຖິງໜ້າທີ່ໃນຕໍ່ໜ້າຕ້ອງສຸມໃສ່ໃນໄລຍະ 6 ເດືອນ ທ້າຍປີ
2026, ທ່ານ ໂຕເລິມ ຊີ້ແຈ້ງຕື່ມວ່າ, ບັນດາອົງການທີ່ກ່ຽວຂ້ອງ ຕ້ອງສ້າງບັນດາເອກະສານພື້ນຖານໃຫ້ສົມບູນແບບໃນທັນທີ ເພື່ອໃຫ້ຄະ
ນະຊີ້ນຳເປັນເອກະພາບໃນການເຄື່ອນໄຫວ, ມີປະສິດທິຜົນ.
ແຫຼ່ງທີ່ມາ: ຂກທ
ວັນທີ 06/07/2026