ໂອເປັກ ຈັດກອງປະຊຸມສຸກເສີນ ແລະ ເຫັນດີ ເພີ່ມປະລິມານການຜະລິດນໍ້າມັນຕື່ມ
ໃນວັນທີ 3 ມີນາ 2026 ນີ້ ອົງການບັນດາປະເທດສົ່ງອອກນ້ຳມັນ ແລະ ບັນດາຄູ່ຮ່ວມມື (OPEC+) ບັນລຸໄດ້ຂໍ້ຕົກລົງເບື້ອງຕົ້ນກ່ຽວ
ກັບການເພີ່ມປະລິມານນ້ຳມັນຈຳນວນໜຶ່ງ, ການກະທຳນີ້ເພື່ອແນໃສ່ຮັບມືກັບສະພາບການຂາດວັກຂາດຕອນໃນການຂົນສົ່ງທາງທະເລທີ່ຮ້າຍ
ແຮງຢູ່ພາກພື້ນຕາເວັນອອກກາງ ພາຍຫຼັງບັນດາການຜັນແປດ້ານການທະຫານຄັ້ງຫຼ້າສຸດລະຫວ່າງ ອາເມຣິກາ-ອິດສະຣາແອນ ແລະ ອີຣານ.
ພາຍຫຼັງ ຊ່ອງແຄບ ຮໍມຸດ ເຊິ່ງແມ່ນເສັ້ນທາງທະເລຫຼັກແຫຼ່ງ ຂົນສົ່ງນ້ຳມັນ ກວ່າ 20% ປະລິມານນ້ຳມັນໃນທົ່ວໂລກ ຖືກປິດລ້ອມແຕ່
ວັນທີ 28 ກຸມພາ ຕາມຄຳກ່າວເຕືອນຂອງ ຝ່າຍອີຣານ. ດັ່ງນັ້ນໃນວັນທີ 2 ມີນາ ຜ່ານມາ OPEC+ ໄດ້ຈັດກອງປະຊຸມສຸກເສີນ ແລະ ເຫັນ
ດີກ່ຽວກັບຫຼັກການ ເພີ່ມປະລິມານການຂຸດຄົ້ນຕື່ມອີກ ຈາກ 137.000 ຖັງ/ວັນ ຂຶ້ນເປັນ 548.000ຖັງ/ວັນ. ເຖິງວ່າ OPEC+ ມີມູນເຊື້ອ
ເພີ່ມປະລິມານ ເພື່ອຊົດເຊີຍຄວາມຂາດເຂີນ ແຕ່ວົງການນັກວິເຄາະ ກ່າວເຕືອນວ່າ ຄວາມສາມາດໃນການຜະລິດສຳຮອງໃນປັດຈຸບັນຂອງກຸ່ມ
ແມ່ນຈຳກັດທີ່ສຸດ.
ແຫຼ່ງທີ່ມາ: ຂກທ
ວັນທີ 05/03/2026