ອິດສະຣາແອນ ກຽມການເຈລະຈາໄລຍະທີສອງຂອງຂໍ້ຕົກລົງຢຸດຍິງຢູ່ເຂດກາຊາ
ຕາມຂ່າວສານຫວຽດນາມ ລາຍງານວັນທີ 2 ກຸມພາ 2025 ນີ້ວ່າ: ຫ້ອງວ່າການນາຍົກລັດຖະມົນຕີອິດສະຣາແອນ ໄດ້ປະກາດ
ວ່າ: ທ່ານ ເບັນຈາມິນ ເນຕານຢາຮູ ນາຍົກລັດຖະມົນຕີອິດສະຣາແອນ ຈະເລີ່ມເຈລະຈາກ່ຽວກັບໄລຍະທີສອງຂອງຄຳສັ່ງຢຸດຍິງຢູ່ງເຂດ
ກາຊາ ຢູ່ ວໍຊິງຕັນ ຂອງອາເມຣິກາ ໃນວັນທີ 3 ກຸມພາ ນີ້.
ຕາມແຈ້ງການ, ທ່ານນາຍົກລັດຖະມົນຕີອິດສະຣາແອນ ໄດ້ແລກປ່ຽນຄຳເຫັນກັບທ່ານ ສະເຕເວວິດກອບ ທູດພິເສດຮັບຜິດຊອບ
ວຽກງານເຂດພາກຕາເວັນອອກກາງຂອງ ປະທານາທາບໍດີ ອາເມຣິກາ ແລະ ເຫັນດີເປັນເອກະພາບບັນດາການເຈລະຈາ ຈະເລີ່ມຕົ້ນ
ເມື່ອເຂົາເຈົ້າພົບກັນຢູ່ວໍຊິງຕັນ. ໄລຍະທີສອງຂອງຂໍ້ຕົກລົງ ຄາດວ່າຈະປຶກສາຫາລືການປ່ອຍຈຳນວນຕົວປະກັນທີ່ຍັງເຫຼືອ ແລະ ປຶກສາ
ຫາລືກ່ຽວກັບການຢຸດຕິການປະທະກັນໃນໄລຍະຍາວ. ທ່ານນາຍົກລັດຖະມົນຕີອິດສະຣາແອນ ໄດ້ເດີນທາງໄປຢ້ຽມຢາມອາເມຣິກາ
ແລະ ຈະພົບປະປຶກສາຫາລືກັບທ່ານປະທານາທິບໍດີອາເມຣິກາ ໃນວັນທີ 4 ກຸມພາ ນີ້ ກ່ຽວກັບສະພາບການຢູ່ເຂດກາຊາ, ບັນດາຕົວ
ປະກັນທີ່ຮາມາດສກັກຕົວ ແລະ ບັນດາບັນຫາອື່ນໆອີກ.
ແຫຼ່ງທີ່ມາ: ຂກທ
ວັນທີ 05/02/2025