ການເຈລະຈາ 3 ຝ່າຍ ຣັດເຊຍ, ອາເມຣິກາ ແລະ ອູແກຣນ ລົ້ມເຫຼວບໍ່ເປັນທ່າ
ໃນວັນທີ 18 ກຸມພາ 2026 ນີ້: ຢູ່ທີ່ນະຄອນເຊີແນວ ປະເທດສະວິດ, ຜູ້ຕາງໜ້າຈາກຣັດເຊຍ, ອາເມຣິກາ ແລະ ອູແກຣນ ໄດ້ສິ້ນ
ສຸດການພົບປະເຈລະຈາສາມຝ່າຍໃນວາລະທຳອິດ, ແຕ່ສາມຝ່າຍບໍ່ໄດ້ອອກຖະແຫຼງການຢ່າງເປັນທາງການໃດໆ, ການພົບປະເຈລະຈາ
ໃນມື້ທຳອິດແມ່ນໄດ້ດຳເນີນໄປໃນທ່າມກາງບັນຍາກາດເຄັ່ງຕຶງ.
ພາຍຫຼັງສິ້ນສຸດການພົບປະເຈລະຈາ, ທ່ານ ຣຸດເຕມ ອຸເມໂຣ ຫົວໜ້າຄະນະເຈລະຈາຝ່າຍອູແກຣນ, ເລຂາທິການຄະນະກຳມະການ
ຄວາມໝັ້ນຄົງ ແລະ ປ້ອງກັນປະເທດແຫ່ງຊາດອູແກຣນໄດ້ຢືນຢັນວ່າ: ສາມຝ່າຍໄດ້ຈັດການພົບປະເຈລະຈາຮ່ວມກ່ອນ, ຈາກນັ້ນໄດ້ປຶກ
ສາຫາລືແບບແບ່ງໜ່ວຍງານ ໂດຍໄດ້ປຶກສາຫາລືສຸມໃສ່ “ຫົວຂໍ້ຕົວຈິງ ແລະ ກົນໄກຈັດຕັ້ງປະຕິບັດສຳລັບແຜນການແກ້ໄຂບັນຫາບົ່ມຊ້ອນ”.
ໃນນັ້ນ, ໜ່ວຍງານການເມືອງ ແລະ ການທະຫານໄດ້ສຳເລັດການເຈລະຈາ.
ມື້ດຽວກັນ, ສຳນັກຂ່າວ ອີຕາຕັສ ລາຍງານວ່າ: ໃນໄລຍະດຳເນີນການພົບປະເຈລະຈາຍັງໄດ້ຈັດການພົບປະລະຫວ່າງຣັດເຊຍ-ອາເມ
ຣິກາ ແລະ ການພົບປະລະຫວ່າງຣັດເຊຍ-ອູແກຣນ.ແນວໃດກໍຕາມ, ຝ່າຍຕ່າງໆເຫັນດີຈະສືບຕໍ່ດຳເນີນການພົບປະເຈລະຈາໃນຂັ້ນຕອນຕໍ່
ໄປ. ສັງລວມແລ້ວ, ການເຈລະຈາມື້ທຳອິດ ແມ່ນບໍ່ມີຂໍ້ສະຫຼຸບໃດໆທັງນັ້ນ ເອີ້ນໄດ້ ລົ້ມເຫຼວ ບໍ່ເປັນທ່າ.
ແຫຼ່ງທີ່ມາ: ຂກທ
ວັນທີ 23/02/2026