ບັນດາປະເທດ ອາຊຽນ ເຫັນດີ ສ້າງສະພາບແວດລ້ອມດິຈິຕອນທີ່ປອດໄພ
ໜັງສືພິມກອງທັບປະຊາຊົນຫວຽດນາມ ລາຍງານໃຫ້ຮູ້ໃນວັນທີ 19 ມັງກອນ 2025 ນີ້ວ່າ: ກອງປະຊຸມລັດຖະມົນຕີດິຈິຕອນ ອາຊຽນ
ຄັ້ງທີ 5 ໄດ້ຈັດຂຶ້ນທີ່ ນະຄອນຫຼວງ ບາງກອກ, ປະເທດໄທ ໃນວັນທີ 16-17 ມັງກອນ 2025.
ກອງປະຊຸມໄດ້ປຶກສາຫາລືກ່ຽວກັບຫລາຍຂອບເຂດຮ່ວມມື ລວມມີ: ຄວາມປອດໄພທາງເຄືອຂ່່າຍອິນເຕີແນັດ, ການແລກປ່ຽນຖານຂໍ້ມູນ
ຂ້າມຂາຍແດນ ແລະ ການພັດທະນາລວມພື້ນຖານເສດຖະກິດດິຈິຕອນ ດ້ວຍຫົວຂໍ້ “ ຄວາມປອດໄພ, ປະດິດຄິດສ້າງ, ຮອບດ້ານ: ສ້າງອະນາ
ຄົດດິຈິຕອນຂອງ ອາຊຽນ ”. ໃນກອງປະຊຸມ, ທ່ານ ປຣະເສີດ ຈັນທະຣາຫຼວງທອງ ຮອງນາຍົກລັດຖະມົນຕີ, ລັດຖະມົນຕີວ່າການດ້ານເສດຖະ
ກິດ ແລະ ສັງຄົມ ດິຈິຕອນໄທ ໃຫ້ຮູ້ວ່າ: ບັນດາຜູ້ແທນທີ່ເຂົ້າຮ່ວມກອງປະຊຸມລັດຖະມົນຕີ ດິຈິຕອນ ອາຊຽນ ຄັ້ງທີ 5 ຢູ່ ບາງກອກ ໄດ້ເຫັນດີ
ນຳກັນວ່າ: ການສໍ້ໂກງທາງອິນເຕີແນັດ ພວມເປັນບັນຫາຮີບດ່ວນ ແລະ ຈຳເປັນທີ່ຕ້ອງຮ່ວມມືກັນພະຍາຍາມແກ້ໄຂ.
ບັນດາຜູ້ແທນທີ່ເຂົ້າຮ່ວມກອງປະຊຸມຄັ້ງນີ້ ໄດ້ຕົກລົງເຫັນດີ ສ້າງຖະແຫລງການ ບາງກອກ, ສວມບົດບາດເປັນເອກະສານແນະນຳກ່ຽວກັບ
ວິທີການທີ່ບັນດາສະມາຊິກ ອາຊຽນ ຄວນຮ່ວມມືກັນຢ່າງແຫນ້ນແຟ້ນກວ່າເກົ່າ ໃນການສະກັດກັ້ນ ແລະ ແກ້ໄຂອາຊະຍາກອນທາງອິນເຕີແນັດ.
ແຫຼ່ງທີ່ມາ: ຂກທ
ວັນທີ 23/01/2025