ອິນໂດເນເຊຍ, ມາເລເຊຍ ແລະ ສິງກະໂປ ຢືນຢັນຄຳໝັ້ນສັນຍາ
ຮັກສາຊ່ອງແຄບ ມາລະກາ-ສິງກະໂປ ໃຫ້ເປີດກວ້າງ
ສຳນັກຂ່າວຫວຽດນາມລາຍງານ ວັນທີ 21 ເມສາ ວ່າ: ອົງການທາງທະເລ ແລະ ທ່າເຮືອຂອງສິງກະໂປ ໃຫ້ຮູ້ວ່າ: ອິນໂດເນເຊຍ, ມາ
ເລເຊຍ ແລະ ສິງກະໂປ ເຊິ່ງເປັນປະເທດທີ່ມີຊາຍແດນຕິດກັບຊ່ອງແຄບມາລະກາ ແລະ ຊ່ອງແຄບສິງກະໂປ ໄດ້ຢືນຢັນຄຳໝັ້ນສັນຍາໃນການ
ຮັກສາຊ່ອງແຄບໃຫ້ເປີດກວ້າງ ແລະ ປອດໄພຕາມກົດໝາຍສາກົນ.
ອົງການດັ່ງກ່າວໄດ້ອອກຖະແຫຼງການໃນລະຫວ່າງກອງປະຊຸມຄັ້ງທີ 34 ຂອງຄະນະກຳມະການກອງທຶນເຄື່ອງໝາຍທາງທະເລ (ANF)
ທີ່ຈັດຂຶ້ນທີ່ສິງກະໂປ. ໂດຍຜູ້ເຂົ້າຮ່ວມໄດ້ປຶກສາຫາລືກ່ຽວກັບຄວາມໝັ້ນຄົງທາງທະເລໃນຊ່ອງແຄບດັ່ງກ່າວ, ພ້ອມທັງລະບຸວ່າໃນຖານະທີ່
ເປັນໜຶ່ງໃນເສັ້ນທາງຂົນສົ່ງທາງເຮືອທີ່ແອອັດທີ່ສຸດໃນໂລກ, ຄວາມປອດໄພໃນສອງຊ່ອງແຄບນີ້ແມ່ນຂຶ້ນກັບພື້ນຖານໂຄງລ່າງທີ່ເຊື່ອຖືໄດ້
ແລະ ການຮ່ວມມືສາກົນຢ່າງຕໍ່ເນື່ອງ. ທ່ານ ເດວິດ ຟູ ປະທານຄະນະກຳມະການອົງການດັ່ງກ່າວ ໄດ້ເນັ້ນໜັກເຖິງຄວາມສຳຄັນຂອງການ
ຮ່ວມມືຢ່າງຕໍ່ເນື່ອງໃນສະພາບແວດລ້ອມການດຳເນີນງານທີ່ມີການພັດທະນາ ແລະ ສັບສົນເພີ່ມຂຶ້ນ.
ກອງທຶນເຄື່ອງໝາຍທາງທະເລແມ່ນໜຶ່ງໃນສາມເສົາຄ້ຳຫຼັກຂອງກົນໄກການຮ່ວມມືທີ່ສ້າງຕັ້ງຂຶ້ນ ໂດຍອິນໂດເນເຊຍ, ມາເລເຊຍ ແລະ
ສິງກະໂປໃນປີ 2007, ໂດຍໄດ້ຮັບການສະໜັບສະໜູນຈາກອົງການທາງທະເລສາກົນ, ເພື່ອເຮັດວຽກຮ່ວມກັບບັນດາປະເທດຜູ້ໃຊ້ ແລະ ຜູ້
ມີສ່ວນຮ່ວມ ເພື່ອຮັບປະກັນການເດີນເຮືອທີ່ປອດໄພ ແລະ ເປີດກວ້າງໃນຊ່ອງແຄບມາລະກາ ແລະ ຊ່ອງແຄບສິງກະໂປ.
ແຫຼ່ງທີ່ມາ: ຂກທ
ວັນທີ 22/04/2026