ທ່ານ ປູຕິນ ຫວັງຢາກແກ້ໄຂວິກິດການ ອູແກຣນ ດ້ວຍສັນຕິວິທີ
ວັນທີ 16 ສິງຫາ 2025 ນີ້ ຢູ່ນະຄອນ ຫຼວງມົສກູ ຂອງຣັດເຊຍ, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍຢືນຢັນວ່າ: ການ
ພົບປະລະຫວ່າງຜູ້ນຳ ຮັດເຊຍ - ອາເມຣິກາ ຢູ່ລັດອາລາສະກາຂອງ ອາເມລິກາ ໄດ້ດຳເນີນໄປຢ່າງກົງໄປກົງມາ ແລະ ມີເນື້ອໃນອຸດົມສົມ
ບູນ, ຣັດເຊຍ ເຄົາລົບຕໍ່ຈຸດຢືນຂອງອາເມຣິກາກ່ຽວກັບການສິ້ນສຸດການປະທະກັນລະຫວ່າງຣັດເຊຍ-ອູແກຣນໂດຍໄວ, ພ້ອມທັງຫວັງຢາກ
ແກ້ໄຂວິກິດການອູແກຣນດ້ວຍສັນຕິວິທີ.
ໃນມື້ດຽວກັນ, ທ່ານ ປູຕິນ ໄດ້ຈັດກອງປະຊຸມ ຢູ່ວັງກະແລມແລງ ເພື່ອແຈ້ງສະພາບການພົບປະລະຫວ່າງຜູ້ນຳ ຣັດເຊຍ-ອາເມຣິກາ.
ໃນໂອກາດ ນີ້, ທ່ານ ປູຕິນກ່າວວ່າ: ສອງຝ່າຍໄດ້ປຶກສາຫາ ລືກ່ຽວກັບເກືອບໝົດທຸກຂົງເຂດການຮ່ວມມື ໂດຍສະເພາະໄດ້ປຶກສາຫາລື
ກ່ຽວກັບຄວາມເປັນໄປໄດ້ໃນການແກ້ໄຂວິກິດການ ອູແກຣນ ບົນພື້ນຖານສະເໝີພາບ ແລະ ຍຸຕິທຳ. ສອງຝ່າຍໄດ້ປຶກ ສາຫາລືກ່ຽວກັບ
ຕົ້ນເຫດຂອງວິກິດການຄັ້ງນີ້, ການລົບລ້າງຕົ້ນເຫດເຫຼົ່ານີ້ຄວນກາຍເປັນພື້ນຖານໃນການແກ້ໄຂບັນຫາ. ວັນທີ 15 ສິງຫາ ຜ່ານມານີ້, ທ່ານ
ໂດນັນ ທຣຳ ປະທານາທິບໍດີອາເມຣິກາ ແລະ ທ່ານ ວະລາດີເມຍ ປູຕິນ ປະທານາ ທິບໍດີຣັດເຊຍ ໄດ້ພົບປະກັນຢູ່ນະຄອນ ອັນໂຄເຣຈ ລັດ
ອາລາສະກາຂອງອາເມລິກາ. ສອງຝ່າຍໄດ້ຕີລາຄາຢ່າງຕັ້ງໜ້າຕໍ່ການພົບປະຄັ້ງນີ້, ແຕ່ບໍ່ໄດ້ບັນລຸສັນຍາກ່ຽວກັບບັນຫາການຢຸດຍິງກັນລະ
ຫວ່າງ ຣັດເຊຍ-ອູແກຣນ ແລະ ບັນຫາອື່ນໆ.
ແຫຼ່ງທີ່ມາ: ຂກທ
ວັນທີ 20/08/2025