ຫຼາຍລ້ານຄົນໃນທົ່ວໂລກ ປະເຊີນກັບບັນຫາ ອຶດຫິວ
ສຳນັກຂ່າວຫວຽດນາມ ລາຍງານວັນທີ 14 ພະຈິກ ວ່າ: ອົງການອາຫານ ແລະ ການກະເສດ ( FAO) ແລະ ອົງການອາຫານໂລກ
( WFP) ຂອງອົງການສະຫະປະຊາຊາດ ໄດ້ຮ່ວມກັນເປີດເຜີຍບົດລາຍງານ ໂດຍເຕືອນວ່າ: ປັດຈຸບັນ, ໃນທົ່ວໂລກ ມີປະຊາຊົນຫຼາຍລ້ານ
ຄົນ ໃນ 16 ພາກພື້ນອາດຈະປະເຊີນກັບບັນຫາອຶດຫິວ, ເຊິ່ງການຂາດເຂີນເງິນທຶນຊ່ວຍເຫຼືອຈາກສາກົນ ເຮັດໃຫ້ສະພາບການໜັກໜ່ວງ
ຂຶ້ນຕື່ມ. ອົງການຈັດຕັ້ງດັ່ງກ່າວໄດ້ຮຽກຮ້ອງໃຫ້ປະຊາຄົມໂລກ ເພີ່ມການຊ່ວຍເຫລືອ ເພື່ອປ້ອງກັນບໍ່ໃຫ້ວິກິດດ້ານມະນຸດສະທຳຮ້າຍແຮງ
ຂຶ້ນຕື່ມ. ເນື້ອໃນບົດລາຍງານລະບຸວ່າ: ໃນປະເທດ ແລະ ເຂດແຄວ້ນ ທີ່ມີຄວາມສ່ຽງສູງ ຈຳນວນຫລາຍ, ການປະທະກັນ ແລະ ການໃຊ້
ຄວາມຮຸນແຮງ ແມ່ນສາເຫດຕົ້ນຕໍ ທີ່ເຮັດໃຫ້ເກີດວິກິດການ ດ້ານສະບຽງອາຫານ.
ແຫຼ່ງທີ່ມາ: ຂກທ
ວັນທີ 19/11/2025