ການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ-ອາເມຣິກາ ມີຜົນສຳເລັດຫຼາຍດ້ານ
ວັນທີ 15 ກຸມພາ ທີ່ຜ່ານມາວ່າ: ທ່ານ ພົນເອກ ຟານ ວັນ ຢາງ ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ຕ້ອນຮັບ
ທ່ານ ໄມເຄີນ ດີແຊມເວ ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ອາເມຣິກາ, ເນື່ອງໃນໂອກາດມາຢ້ຽມຢາມ ແລະ ເຮັດ
ວຽກຢູ່ ຫວຽດນາມ. ທ່ານ ພົນເອກ ຟານ ວັນ ຢາງ ໄດ້ຢືນຢັນວ່າ, ຍາມໃດ ຫວຽດນາມ ກໍຖື ອາເມຣິກາ ແມ່ນໜຶ່ງໃນບັນດາຄູ່ຮ່ວມ
ມື ໂດຍສະເພາະແມ່ນດ້ານເສດຖະກິດ-ການຄ້າ. ໃນໄລຍະຜ່ານມາ, ການຮ່ວມມືດ້ານປ້ອງກັນຊາດ ລະຫວ່າງ 2 ປະເທດ ໄດ້ຜັນຂະ
ຫຍາຍຢ່າງມີປະສິດທິຜົນໃນຫຼາຍຂົງເຂດ: ການແລກປ່ຽນຄະນະຜູ້ແທນທຸກຂັ້ນ, ການສົນທະນາ-ທາບທາມຄວາມເຫັນ, ແກ້ໄຂຜົນ
ຮ້າຍທີ່ເກີດຈາກສົງຄາມ, ການບຳລຸງສ້າງ, ຮັກສາສັນຕິພາບສະຫະປະຊາຊາດ, ການຮ່ວມມືດ້ານທະຫານ, ເຫຼົ່າຮົບ, ການປ້ອງກັນຊາດ,
ຕຳຫຼວດທະເລ, ອຸດສາຫະກຳປ້ອງກັນຊາດ. ທ່ານ ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ອາເມຣິກາ ກໍຢືນຢັນວ່າ, ກະ
ຊວງການຕ່າງປະເທດ ອາເມຣິກາ ສະໜັບ ສະໜູນ ຫວຽດນາມ ໃນການແກ້ໄຂຜົນຮ້າຍທີ່ເກີດຈາກສົງຄາມ, ຢັ້ງຢືນຊື່, ນາມສະກຸນ
ທະຫານທີ່ຫາຍສາບສູນໃນປາງສົງຄາມ.
ແຫຼ່ງທີ່ມາ: ຂກທ
ວັນທີ 18/02/2026