ຣັດເຊຍ ກຽມພ້ອມຫັນປ່ຽນທິດສົ່ງອອກພະລັງງານເຊື້ອໄຟ ໄປຍັງປະເທດເພື່ອນມິດ
ວິທະຍຸກະຈາຍສຽງ ຫວຽດນາມ ລາຍງານເມື່ອບໍ່ດົນມານີ້ວ່າ: ທ່ານ ອາເລັກຊານເດີ ໂນວັກ (Alexander Novak) ຮອງນາຍົກ
ລັດຖະມົນຕີ ຣັດເຊຍ ໃຫ້ຮູ້ວ່າ: ຣັດເຊຍ ມີຄວາມສາມາດປ່ຽນແທນຕະຫຼາດເອີຣົບ ດ້ວຍບັນດາຄູ່ຮ່ວມມືທີ່ເປັນມິດອື່ນໆ, ກຽມພ້ອມ
ຮັກສາສາຍພົວພັນ ຮ່ວມມືຍາວນານ ແລະ ມີສະຖຽນລະພາບໃນຂົງເຂດພະລັງງານ.
ທ່ານ Novak ຄາດວ່າ: ບັນດາ ບໍລິສັດພະລັງງານຂອງຣັດເຊຍ ຈະເພີ່ມທະວີແຫຼ່ງສະໜອງໃຫ້ບັນດາຕະຫຼາດໃໝ່ ແລະ ພວມດຳ
ເນີນການເຈລະຈາ ກັບຫຼາຍຄູ່ຮ່ວມມື. ຖະແຫຼງການ ດັ່ງກ່າວໄດ້ຍົກອອກມາໃນສະພາບການ ຣັດເຊຍ ພວມພິຈາລະນາດັດປັບຍຸດທະ
ສາດສົ່ງອອກພະລັງງານພາຍຫຼັງສະຫະພາບ ເອີຣົບ (EU) ຕົກລົງຫຼຸດຜ່ອນ ແລະ ດຳເນີນການຢຸດຕິການນຳເຂົ້າອາຍແກັດ ຈາກ ຣັດເຊຍ.
ກ່ອນໜ້ານັ້ນ, ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ປະກາດວ່າ: ການຢຸດຕິ ການສະໜອງອາຍແກັສ ໃຫ້ແກ່ ເອີຣົບ ໃນ
ໄວໆນີ້ອາດຈະນຳມາ ເຊິ່ງຜົນປະໂຫຍດໃຫ້ແກ່ຣັດເຊຍ, ເມື່ອສະຫະພາບ ເອີຣົບ ພວມຜັນຂະຫຍາຍບັນດາມາດຕະການຈຳກັດສຳລັບ
ເຊື້ອໄຟ ຈາກຣັດເຊຍ ໂດຍສະເພາະຈະຢຸດຕິຊົມໃຊ້ໃນປີ 2027.
ແຫຼ່ງທີ່ມາ: ຂກທ
ວັນທີ 16/03/2026