ອົດສະຕຣາລີ ປະກາດຈະຮັບຮອງການສ້າງຕັ້ງ ປາແລັດສະຕິນ ເປັນປະເທດ ໃນເດືອນກັນຍາ ນີ້
ທ່ານ ແອນໂທນີ ອັລບາເນຊີ ນາຍົກລັດຖະມົນຕີອົດສະຕຣາລີ
ວິທະຍຸສາກົນແຫ່ງ ສປ ຈີນ ລາຍງານວັນທີ 11 ສິງຫາ 2025, ທ່ານ ແອນໂທນີ ອັລບາເນຊີ ນາຍົກລັດຖະມົນຕີອົດສະຕຣາລີ ປະ
ກາດວ່າ: ອົດສະຕຣາລີ ຈະຮັບຮອງການສ້າງຕັ້ງ ປາແລັດສະຕິນ ເປັນປະເທດໃນກອງປະຊຸມໃຫຍ່ອົງການສະຫະປະຊາຊາດ ຄັ້ງທີ 80 ທີ່
ຈະຈັດຂຶ້ນໃນເດືອນ ກັນຍາ ໜ້ານີ້.
ທ່ານ ແອນໂທນີ ອັລບາເນຊີ ກ່າວໃນງານຖະແຫຼງຂ່າວທີ່ໄດ້ຈັດຂຶ້ນຢູ່ນະຄອນແຄນເບີຣາ ໃນມື້ດຽວກັນວ່າ: ການເຄື່ອນໄຫວຄັ້ງນີ້
ແມ່ນສ່ວນໜຶ່ງຂອງການຊຸກຍູ້ການປະຕິບັດ “ ແຜນການສອງປະເທດ ” ທີ່ມີການປະສານງານ ແລະ ຄວາມພະຍາຍາມທົ່ວໂລກ. “ ແຜນ
ການສອງປະເທດ ” ແມ່ນຄວາມຫວັງທີ່ໃຫຍ່ທີ່ສຸດໃນການສິ້ນສຸດຮອບວຽນຄວາມຮຸນແຮງຢູ່ຕາເວັນອອກກາງ, ສິ້ນສຸດການປະທະກັນ,
ຄວາມທຸກຍາກແລະ ຄວາມອຶດຫິວຢູ່ເຂດກາຊາ.
ຫວ່າງກ່ອນນີ້ບໍ່ດົນ, ຝຣັ່ງ, ການາດາ ແລະ ປະເທດອື່ນໆ ໄດ້ສະແດງຄວາມເຕັມໃຈທີ່ຈະຮັບຮອງການສ້າງຕັ້ງ ປາແລັດສະຕິນ ເປັນ
ປະເທດຢ່າງຕໍ່ເນື່ອງ, ເຮັດໃຫ້ຄວາມຮຽກຮ້ອງຈາກປະຊາຄົມໂລກກ່ຽວກັບການຈັດຕັ້ງປະຕິບັດ “ ແຜນການສອງປະເທດ ” ໄດ້ຮັບການ
ເພີ່ມທະວີຫຼາຍຂຶ້ນ.
ແຫຼ່ງທີ່ມາ: ຂກທ
ວັນທີ 14/08/2025