ຊີຣີ-ອາຣັບບີ ຊາອຸດິດ ລົງນາມຂໍ້ຕົກລົງຮ່ວມ ສາຍການບິນ-ໂທລະຄົມ ມູນຄ່າ 1 ຕື້ໂດລາ
ວັນທີ 11 ກຸມພາ ນີ້: ຊີຣີ ແລະ ອາຣັບບີ ຊາອຸດິດ ລົງນາມໃນຂໍ້ຕົກລົງ ກ່ຽວກັບສາຍການບິນຮ່ວມ ແລະ ໂຄງການ ພັດທະນາ
ໂທລະຄົມມະນາຄົມ ດ້ວຍມູນຄ່າ 1 ຕື້ໂດລາສະຫະ ລັດ, ໃນຂະນະທີ່ ຊີຣີ ພະຍາຍາມຟື້ນຟູປະເທດ ຫຼັງຈາກສົງຄາມ ທີ່ຍາວນານ
ມາຫຼາຍປີ. ໂດຍອາຣັບບີ ຊາອຸດິດ ເປັນຜູ້ສະໜັບສະໜູນຫລັກ ຂອງ ລັດຖະບານຊີຣີ ໃນຊຸດປັດຈຸບັນ, ຊຶ່ງຂຶ້ນສູ່ອຳນາດ ຫຼັງຈາກ
ການໂຄ່ນລົ້ມອະດິດປະທານາທິບໍດີ ບາຊາຣ ອັລ-ອັລຊາດ ເມື່ອເດືອນທັນວາ ປີ 2024. ລັດຖະບານ ຊີຣີ ຊຸດໃໝ່ ພະຍາຍາມດຶງ
ດູດ ການລົງທຶນ ແລະ ລົງນາມໃນຂໍ້ຕົກລົງ ສຳຄັນກັບ ບໍລິສັດຫຼາຍແຫ່ງ ແລະ ລັດຖະບານ ຂອງ ປະເທດຕ່າງໆ ລວມເຖິງ ອາຣັບ
ບີ ຊາອຸດິດ ແລະ ປະເທດອື່ນໆໃນພາກພື້ນດຽວກັນ.
ແຫຼ່ງທີ່ມາ: ຂກທ
ວັນທີ 12/02/2026