ຣັດເຊຍ-ຈີນ ຮຽກຮ້ອງໃຫ້ຢຸດຕິສົງຄາມໃນຕາເວັນອອກກາງ
ແລະ ກັບຄືນສູ່ຂະບວນການເຈລະຈາທາງການທູດ
ສໍານັກຂ່າວ ສະປຸກນິກ ລາຍງານໃນ ວັນທີ 3 ມີນາ 2026 ນີ້ວ່າ: ທ່ານ ເຊີເກ ລາບຣົບ ລັດຖະມົນຕີກະຊວງການຕ່າງ ປະເທດ
ຣັດເຊຍ ໄດ້ສົນທະນາທາງໂທລະສັບກັບທ່ານ ຫວາງຢີ້ ລັດຖະມົນຕີກະຊວງການຕ່າງປະເທດຈີນກ່ຽວກັບສະຖານະການຄວາມຂັດແຍ້ງ
ລະຫວ່າງ ອີຣານ ແລະ ອາເມຣິກາ ກັບ ອິດສະຣາແອນ.
ທ່ານ ລັດຖະມົນຕີກະຊວງການຕ່າງປະເທດ ຣັດເຊຍ ກ່າວວ່າ: ອາເມຣິກາ ແລະ ອິດສະຣາແອນ ດໍາເນີນການໂຈມຕີທາງການທະ
ຫານຕໍ່ອີຣານໄດ້ທຳ ລາຍສະຖຽນລະພາບຢູ່ພາກພື້ນຕາເວັນອອກກາງຢ່າງຮ້າຍແຮງ, ຣັດເຊຍ ມີຈຸດຢືນດຽວກັນ ກັບຝ່າຍຈີນ, ຍິນດີເພີ່ມ
ທະວີການປະສານງານ ແລະ ການແລກປ່ຽນຄວາມຄິດຄວາມເຫັນ ກັບຝ່າຍຈີນ, ສົ່ງສັນຍານອັນຈະແຈ້ງຜ່ານອົງການສະຫະປະ ຊາຊາດ,
ອົງການຮ່ວມມືຊຽງໄຮ້ ແລະ ເວທີອື່ນໆ, ຮຽກຮ້ອງໃຫ້ຢຸດຕິສົງຄາມໃນທັນທີ ແລະ ກັບຄືນສູ່ຂະບວນການການເຈລະຈາທາງການທູດ.
ທ່ານ ຫວາງຢີ້ ກ່າວວ່າ: ອາເມຣິກາ ແລະ ອິດສະຣາແອນກໍ່ການໂຈມຕີຕໍ່ອີຣານ ແມ່ນສິ່ງທີ່ຍອມຮັບບໍ່ໄດ້, ການຍິງສັງຫານຜູ້ນຳສູງ
ສຸດຂອງປະເທດອະທິປະໄຕ ແລະ ປຸກປັ່ນໃຫ້ ເກີດການປ່ຽນອຳນາດການປົກ ຄອງນັ້ນແມ່ນສິ່ງທີ່ຍອມຮັບບໍ່ໄດ້ເຊັ່ນດຽວກັນ, ການກະ
ທຳເຫຼົ່ານີ້ລ້ວນແຕ່ລະເມີດຫຼັກການພື້ນຖານໃນກົດຫມາຍສາກົນແລະການພົວພັນສາກົນ.
ປັດຈຸບັນ, ໄພສົງຄາມໄດ້ແຜ່ລາມໄປທົ່ວອ່າວ ເປີເຊຍແລ້ວ, ສະຖານະການໃນຕາເວັນອອກກາງອາດຈະຖືກຊຸກຍູ້ໄປສູ່ອັນຕະລາຍ,
ຈຸດຢືນຂອງຈີນແມ່ນຢຸດຕິການ ເຄື່ອນໄຫວທາງການທະຫານ ໃນທັນທີ, ກັບຄືນສູ່ການສົນທະນາ ແລະ ການເຈລະຈາໂດຍໄວ ແລະ
ຝ່າຍຕ່າງໆ ຕ້ອງຮ່ວມກັນຄັດຄ້ານການກະທຳແຕ່ຝ່າຍດຽວ.
ແຫຼ່ງທີ່ມາ: ຂກທ
ວັນທີ 10/03/2026