ສົນທິສັນຍາວ່າດ້ວຍຄູ່ຮ່ວມມືຍຸດທະສາດຮອບດ້ານ
ຣັດເຊຍ-ອີຣານ ມີຜົນສັກສິດຢ່າງເປັນທາງການ
ຂ່າວສານຊິນຮວາລາຍງານ ໂດຍອີງຕາມຖະແຫຼງການທີ່ກະຊວງການຕ່າງປະເທດຣັດເຊຍ: ວັນທີ 2 ຕຸລາ ຜ່ານມາ, ສົນທິສັນ
ຍາວ່າດ້ວຍຄູ່ຮ່ວມມືຍຸດທະສາດຮອບດ້ານລະຫວ່າງ ຣັດເຊຍ-ອີຣານ ທີ່ສອງຝ່າຍໄດ້ລົງນາມໃນເດືອນມັງກອນຜ່ານມາ ມີຜົນສັກສິດ
ຢ່າງເປັນທາງການໃນວັນທີ 2 ຕຸລາ ຜ່ານມາ.
ຖະແຫຼງການລະບຸວ່າ: ເຫດການດັ່ງກ່າວແມ່ນຫຼັກໝາຍສຳຄັນໃນປະຫວັດສາດແຫ່ງການພົວພັນລະຫວ່າງຣັດເຊຍກັບ ອີຣານ
ເຊິ່ງເປັນຂີດໝາຍສະແດງໃຫ້ເຫັນວ່າ, ການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດໄດ້ກ້າວຂຶ້ນສູ່ລະດັບໃໝ່. ສັນ
ຍາດັ່ງກ່າວໄດ້ກຳນົດທິດທາງສຳຄັນແຫ່ງການພັດທະນາໃນໄລຍະຍາວຂອງຂົງເຂດ ບູລິມະສິດທັງໝົດໃນການຮ່ວມມືສອງຝ່າຍ, ໂດຍ
ໄດ້ລະບຸວ່າ ຈະເພີ່ມທະວີການຮ່ວມມືສາກົນໃນໂລກຫຼາຍຂົ້ວ, ລວມທັງການປະສານສົມທົບກັນຢ່າງແໜ້ນແຟ້ນພາຍໃຕ້ຂອບອົງການ
ຈັດຕັ້ງຫຼາຍຝ່າຍທີ່ສຳຄັນ, ຮ່ວມກັນຮັກສາສະຖຽນລະພາບ ແລະ ຄວາມໝັ້ນຄົງຂອງພາກພື້ນ, ຮັບມືກັບສິ່ງທ້າທາຍ ແລະ ໄພຂົ່ມຂູ່ທີ່
ສອງຝ່າຍປະເຊີນຮ່ວມກັນ.
ແຫຼ່ງທີ່ມາ: ຂກທ
ວັນທີ 09/10/2025