ທ່ານ ປູຕິນ ສົນທະນາທາງໂທລະສັບກັບ ທ່ານ ໂດນັນ ທຣຳ
ທ່ານ ປູຕິນ
ເມື່ອບໍ່ດົນມານີ້, ສຳນັກຂ່າວ ສານ RIA Novosti ຣັດເຊຍ ໄດ້ຄັດສະເໜີຄຳເວົ້າຂອງ ທ່ານ ປູຕິນ ໃນເວລາສົນທະນາກັບທ່ານ
ໂດນັນ ທຣຳ ຜ່ານທາງໂທ ລະສັບຕາມການນັດໝາຍ, ໂດຍທ່ານ ປູຕິນ ຢ້ຳຄືນອີກຄັ້ງທີ່ຈະແກ້ໄຂບັນຫາອູແກຣນ ດ້ວຍວິທີທາງການເມືອງ.
ນີ້ແມ່ນການສົນທະນາທາງໂທລະສັບ ຄັ້ງທີ 4 ລະຫວ່າງປະມຸກລັດສອງປະເທດ ນັບແຕ່ ຕົ້ນປີນີ້ເປັນຕົ້ນມາ. ການສົນທະ ນາຄັ້ງນີ້ໃຊ້
ເວລາປະມານ 1 ຊົ່ວ ໂມງ 25 ນາທີ. ສອງຜູ້ນຳໄດ້ປຶກສາຫາລືກ່ຽວກັບບັນຫາອູແກຣນ. ທ່ານ ປູຕິນ ໄດ້ຢ້ຳຄືນອີກຄັ້ງວ່າ: ຣັດເຊຍ ຍອມ
ແກ້ໄຂບັນຫາອູແກຣນ ດ້ວຍວິທີທາງການເມືອງ, ແກ້ໄຂການປະທະກັນດ້ວຍວີທີທາງການທູດ. ແຕ່ຕ້ອງພິຈາລະນາຢ່າງເຕັມສ່ວນຕໍ່ຫຼັກໝັ້ນ
ພື້ນຖານຂອງຣັດເຊຍ. ທ່ານ ທຣຳ ໄດ້ຢ້ຳວ່າ, ອາເມຣິກາ ຍິນດີຊຸກຍູ້ ໃຫ້ຢຸດຕິການເຄື່ອນໄຫວທາງການທະຫານ ໂດຍໄວເທົ່າທີ່ຈະໄວໄດ້
ແລະ ສະແຫວງຫາການແກ້ໄຂວິກິດການດ້ວຍສັນຕິວິທີ. ທ່ານ ປູຕິນ ສະແດງຄວາມຫວັງທີ່ຈະສະແຫວງຫາວິທີແກ້ໄຂໄລຍະຍາວ ທີ່ທັງ
ສອງຝ່າຍຍອມຮັບໄດ້ ໂດຍຖືເອົາບົດບັນທຶກຄວາມເຂົ້າໃຈ ລະຫວ່າງ ອາເມຣິກາ-ອີຣານ ເປັນພື້ນຖານ. ຣັດເຊຍ ພ້ອມທີ່ຈະໃຫ້ຄວາມ
ຊ່ວຍ ເຫຼືອແທ້ຈິງ ເພື່ອຊຸກຍູ້ໃຫ້ສະຖາ ນະການເຄັ່ງຕຶງຜ່ອນຄາຍລົງ ແລະ ບັນລຸສະຖຽນລະພາບໃນພາກພື້ນ. ທ່ານ ໂດນັນ ທຣຳ ໄດ້ໂອ້
ລົມທາງໂທລະສັບກັບຜູ້ນຳ ລັດເຊຍ ແລະ ອູແກຼນ ເພື່ອປຶກສາຫາລືກ່ຽວກັບການປະທະກັນຢູ່ ອູແກຼນ ກ່ອນເຂົ້າຮ່ວມກອງປະຊຸມສຸດຍອດ
ຜູ້ນຳ ນາໂຕ ທີ່ຈັດຂຶ້ນຢູ່ ຕວັກກີ ໃນລະຫວ່າງວັນທີ 7-8 ກໍລະກົດ ນີ້. ນອກນັ້ນ, ການນຳ 2 ທ່ານໄດ້ແລກປ່ຽນກ່ຽວກັບບັນດາບັນຫາອື່ນ
ອີກຄື ອີຣານ ແລະ ຕາເວັນອອກກາງ ໃນການໂອ້ລົມທາງໂທລະສັບທີ່ແກ່ຍາວເກີນ 85 ນາທີ. ກ່ອນໜ້ານັ້ນໃນວັນດຽວກັນ, ໃນສື່ສັງຄົມ
ອອນໄລ X, ທ່ານປະທານາທິບໍດີ ອູແກຼນ ໄດ້ລົງບົດຄວາມວ່າ, ຝ່າຍຕົນພ້ອມກັບການນຳຂອງ ອາເມລິກາ ໄດ້ປຶກ ສາຫາລືກ່ຽວກັບການປະ
ທະກັນ, ກໍຄືຄວາມມານະພະຍາຍາມດ້ານການທູດ. ປັດຈຸບັນພວມຢູ່ໃນເສັ້ນທາງທີ່ດີ ເພື່ອກ້າວໄປ ສູ່ການຢຸດຕິການປະທະກັນ.
ແຫຼ່ງທີ່ມາ: ຂກທ
ວັນທີ 09/07/2026