ສະຫະລັດກຽມຂາຍອາວຸດ ໃຫ້ອິດສະຣາແອນມູນຄ່າຫຼາຍພັນລ້ານໂດລາ
ເວັບໄຊ້ ຂ່າວການທະຫານ ອຸດສາຫະກຳປ້ອງກັນຊາດ ເອີຣົບ ລາຍງານໃຫ້ຮູ້ວ່າ: ສະຫະລັດ ກຳລັງກຽມການຂາຍອາວຸດຍຸດໂທ
ປະກອນໃຫ້ແກ່ອິດສະຣາແອນ ມີມູນຄ່າປະມານ 6 ຕື້ໂດລາສະຫະລັດ ເຊິ່ງຖືເປັນການສະແດງເຖິງການປະກາດສະໜັບສະໜູນອິດສະ
ຣາແອນ ເຖິງແມ່ນວ່າອິດສະຣາແອນ ຈະປະເຊີນກັບການໂດດດ່ຽວຈາກນາໆຊາດຫຼາຍຂື້ນຍ້ອນຈາກສົງຄາມໃນເຂດກາຊາ.
ລາຍການຈັດຊື້ຄັ້ງນີ້ປະກອບດ້ວຍ, ເຮລິກົບແຕ Apache 30 ລຳມູນຄ່າ 3.8 ຕື້ໂດລາ, ລົດລຳລ້ຽງພົນຈູ່ໂຈມທະຫານຮາບ
ຈຳນວນ 3,250 ຄັນມູນຄ່າ 1.9 ໂດລາ ແລະ ອະໄຫຼ່ ແລະ ອຸປະກອນເສີມອື່ນໆ ອີກປະມານ 750 ລ້ານໂດລາ. ການຈັດຊື້ເຖິງແມ່ນ
ວ່າຈະມີການກົດດັນຄວບຄຸມເຂັ້ມງວດຈາກນາໆຊາດ ແລະ ສຽງຄັດຄ້ານຈາກວຸດທິສະມາຊິກສະພາ ພັກເດໂມແຄຣດ ໃນສະຫະລັດ
ທີ່ຕ້ອງການຢຸດການຂາຍອາວຸດແບບໂຈມຕີ ໃຫ້ກັບພັນທະມິດ ອິດສະຣາແອນ ແຕ່ລັດຖະບານຂອງປະທານາທິບໍດີ ອາເມຣິກາ ກໍຍັງ
ເດີນໜ້າໃຫ້ການສະໜັບສະໜູນ ອິດສະຣາເອນ ຢ່າງຕໍ່ເນື່ອງ.
ແຫຼ່ງທີ່ມາ: ຂກທ
ວັນທີ 06/10/2025