ຫວຽດນາມ-ລາວ-ກຳປູເຈຍ ຍູ້ແຮງການຮ່ວມມືດ້ານຄວາມໝັ້ນຄົງ, ເດັດດ່ຽວ
ຕໍ່ສູ້ຕ້ານອາຊະຍາກຳຂ້າມຊາດ
ຕາມຂ່າວຫວຽດນາມ, ບັນດາລັດຖະມົນຕີໄດ້ຮັບຮອງເອົາຖະແຫຼງການຮ່ວມ ຢືນຢັນຄືນໃໝ່ຄຳໝັ້ນສັນຍາເຮັດໃຫ້ຄວາມໄວ້
ເນື້ອເຊື່ອໃຈດ້ານການເມືອງ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນເລິກເຊິ່ງຂຶ້ນຕື່ມ. ກອງປະຊຸມລັດຖະມົນຕີ ຄັ້ງທີ 2 ລະ
ຫວ່າງ ກະຊວງຕຳຫຼວດ ຫວຽດນາມ, ກະຊວງພາຍໃນ ກຳປູເຈຍ ແລະ ກະຊວງປ້ອງກັນຄວາມສະຫງົບ ສປປ ລາວ ກ່ຽວກັບການ
ຮ່ວມມືຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ ໄດ້ຈັດຂຶ້ນໃນຕອນບ່າຍວັນທີ 30 ມິຖຸນາ ຜ່ານມາ, ຢູ່
ນະຄອນຫຼວງ ພະນົມເປັນ, ປະເທດ ຣາຊະອານາຈັກ ກຳປູເຈຍ. ທີ່ກອງປະຊຸມ, ຜູ້ຕາງໜ້າບັນ ດາກະຊວງຕຳຫຼວດ, ກະຊວງພາຍ
ໃນຂອງ 3 ປະເທດໄດ້ສະເໜີບັນດາເນື້ອໃນກ່ຽວກັບວຽກງານຕໍ່ສູ້ຕ້ານການກະທຳຂອງການຄ້າມະນຸດຂ້າມຊາດ; ຮ່ວມມືກັນຜັນຂະ
ຫຍາຍໂຄງການປ້ອງກັນ ແລະ ສະກັດກັ້ນຢາເສບຕິດ; ເພີ່ມທະວີການຮ່ວມມືຕໍ່ສູ້ຕ້ານອາຊະຍາກຳສໍ້ກົງຫຼອກລວງທາງອິນເຕີເນັດໃນ
ສະພາບການໃໝ່. ພາຍຫຼັງສຳເລັດກອງປະຊຸມ, ບັນດາລັດຖະມົນຕີ 3 ປະເທດ ໄດ້ຮັບຮອງເອົາຖະແຫຼງການຮ່ວມ ຢືນຢັນຄືນໃໝ່ຄຳ
ໝັ້ນສັນຍາເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນເລິກເຊິ່ງຂຶ້ນຕື່ມ; ຍູ້ແຮງບັນ
ດາຄວາມມານະພະຍາຍາມໃນການປ້ອງກັນ, ຕໍ່ສູ້ກັບບັນດາອາຊະຍາກຳຂ້າມຊາດ; ຍູ້ແຮງການແບ່ງປັນຂໍ້ມູນຂ່າວສານ ສົມທົບກັນສືບ
ສວນ; ຊຸກຍູ້ການຮ່ວມມື ແລະ ບັນດາກົນໄກຕິດຕໍ່ຊາຍແດນໂດຍກົງ ເພື່ອຮັກສາສະພາບແວດລ້ອມເສັ້ນຊາຍແດນສັນຕິພາບ, ຄວາມ
ໝັ້ນຄົງ ແລະ ພັດທະນາຮ່ວມກັນ.
ແຫຼ່ງທີ່ມາ: ຂກທ
ວັນທີ 06/07/2026