ອີຣານ ໂຈມຕີກັບຖານທັບ ສະຫະລັດ ອາເມລິກາ-ອິດສະຣາແອນ,
ພາຍຫຼັງ ຜູ້ນຳຂັ້ນສູງຫຼາຍທ່ານ ເສຍຊີວິດ
ສໍານັກຂ່າວ Sputnik ຣັດເຊຍ ລາຍງານ ວັນທີ 2 ມີນາ 2026 ນີ້, ກອງກຳລັງສະຫະລັດ ອາເມຣິກາ ແລະ ອິດສະຣາແອນ ໄດ້ເປີດ
ປະຕິບັດການໂຈມຕີແບບປະສານງານຕໍ່ເປົ້າໝາຍຕ່າງໆໃນອີຣານ ລວມທັງເຂດຈຸດຍຸດທະສາດໃນນະຄອນຫຼວງ ເຕເຮຣານ (Tehran) ເມື່ອ
ວັນເສົາທີ່ຜ່ານມາ, ໄດ້ສ້າງຄວາມເສຍຫາຍຢ່າງໜັກໜ່ວງ ແລະ ເຮັດໃຫ້ພົນລະເມືອງໄດ້ຮັບບາດເຈັບ ແລະ ເສຍຊີວິດເປັນຈຳນວນຫຼາຍ.
ຂະນະດຽວກັນ ອີຣານ ກໍໄດ້ຕອບໂຕ້ດ້ວຍການຍິງລູກສອນໄຟຖະຫລົ່ມເຂດດິນແດນຂອງອິດສະຣາແອນ ແລະ ຖານທັບຂອງສະຫະ
ລັດໃນທົ່ວພາກພື້ນຕາ ເວັນອອກກາງຢ່າງໜັກເຊັ່ນກັນ. ຈາກເຫດການໂຈມຕີດັ່ງກ່າວ, ມີລາຍງານວ່າ ທ່ານ ອາຍາຕຸນລາ ອາລີ ຄາເມເນອີ
(Ayatollah Ali Khamenei) ຜູ້ນຳສູງສຸດຂອງອີຣານ ໄດ້ເສຍຊີວິດລົງ. ພ້ອມນັ້ນ, ຍັງມີຜູ້ນຳລະດັບສູງຂອງກອງທັບ ແລະ ຝ່າຍຄວາມ
ໝັ້ນຄົງອີກຫຼາຍທ່ານທີ່ຕົກເປັນເຫຍື່ອໃນເຫດການນີ້ ເປັນຕົ້ນແມ່ນ: ທ່ານ ອັບໂດລາຮິມ ມູຊາວີ (Abdolrahim Mousavi) ຫົວໜ້າເສ
ນາທິການຮ່ວມກອງທັບອີຣານ; ທ່ານ ອາລີ ຊາມຄານີ (Ali Shamkhani) ເລຂາທິການສະພາຄວາມໝັ້ນຄົງສູງສຸດ; ທ່ານ ໂມຮຳມັດ ປັກ
ປົວ (Mohammad Pakpour) ຜູ້ບັນຊາການສູງສຸດຂອງກອງກຳລັງພິທັກປະຕິວັດອິດສະລາມ (IRGC) ແລະ ທ່ານ ອາຊິດ ນາຊີຊາເດ
(Aziz Nasirzadeh) ລັດຖະມົນຕີກະຊວງປ້ອງກັນປະເທດ. ດ້ານກອງກຳລັງພິທັກປະຕິວັດອິດສະລາມ (IRGC) ໄດ້ປະກາດເປີດຍຸດ
ທະການ “ True Promise 4 ” ໂດຍລະບຸວ່າ, ເປັນປະຕິບັດການບຸກໂຈມຕີທີ່ຮຸນແຮງທີ່ສຸດໃນປະຫວັດສາດຂອງປະເທດ ເພື່ອແນໃສ່
ຖະຫລົ່ມອິດສະຣາແອນ ແລະ ຖານທັບຕ່າງໆຂອງສະຫະລັດໃນພາກພື້ນອ້ອມຂ້າງ.
ຂະນະທີ່ເຈົ້າໜ້າທີ່ຝ່າຍຄວາມໝັ້ນຄົງ ແລະ ຜູ້ນຳໃນສະພາຂອງອີຣານ ໄດ້ຢືນຢັນວ່າ, ການໂຈມຕີຖານທັບສະຫະລັດຈະຍັງຄົງດຳເນີນ
ຕໍ່ໄປ ແລະ ປະເທດມີຄວາມພ້ອມຢ່າງເຕັມສ່ວນ ໃນການປະເຊີນໜ້າກັບສົງຄາມຜູ້ ຮຸກຮານໃນຄັ້ງນີ້. ທ່ານສາມາດຕິດຕາມຂ່າວ ລາຍງານ
ຄວາມຄືບໜ້າຂອງສະຖານະການແບບຕໍ່ເນື່ອງ ເພື່ອຮັບຊາບລາຍລະອຽດເພີ່ມເຕີມໄດ້ທີ່ສຳນັກຂ່າວກອງທັບສະບັບຕໍ່ໄປ.
ແຫຼ່ງທີ່ມາ: ຂກທ
ວັນທີ 05/03/2026