ຄະນະຜູ້ແທນທະຫານອາກາດ ຈີນ ຢ້ຽມຢາມ ວິທະຍາຄານປ້ອງກັນອາກາດ ສສ ຫວຽດນາມ
ຕອນບ່າຍວັນທີ 27 ມັງກອນ, ຄະນະຜູ້ແທນທະຫານອາກາດ ຈີນ ນຳໂດຍທ່ານ ພັນເອກ ຈາງ ຮາຍລອງ (Zhang Hailong) ຮອງ
ຫົວໜ້າຫ້ອງວ່າການ ຫ້ອງເສນາທິການ ທະຫານອາກາດ ກອງທັບປົດປ່ອຍປະຊາຊົນ ຈີນ ໄດ້ມາຢ້ຽມຢາມ ແລະ ເຮັດວຽກຢູ່ວິທະຍາຄານ
ປ້ອງກັນອາກາດ-ທະຫານອາກາດ ສສ ຫວຽດນາມ ແລະ ຕ້ອນຮັບໂດຍທ່ານ ພັນເອກພິເສດ ປະລິນຍາເອກ ເລ ກົງ ແທັ່ງ ຮອງຫົວໜ້າວິທະ
ຍາຄານປ້ອງກັນອາກາດ-ທະຫານອາກາດ ພ້ອມຄະນະ. ກ່າວຄຳເຫັນທີ່ການຕ້ອນຮັບ, ທ່ານ ພັນເອກພິເສດ, ປະລິນຍາເອກ ເລ ກົງ ແທັ່ງ ເນັ້ນ
ໜັກວ່າ: ນີ້ ແມ່ນກິດຈະກຳພົວພັນຕ່າງປະເທດດ້ານປ້ອງກັນຊາດທີ່ມີຄວາມໝາຍສຳຄັນ, ປະກອບສ່ວນປັບປຸງ ແລະ ເພີ່ມທະວີສາຍພົວພັນ
ມິດຕະພາບທີ່ເປັນມູນເຊື້ອ ລະຫວ່າງສອງພັກ, ລັດ, ກອງທັບຂອງສອງປະເທດ ເວົ້າລວມ ແລະ ລະຫວ່າງເຫຼົ່າທັບປ້ອງກັນອາກາດ-ທະຫານ
ອາກາດ ກັບທະຫານອາກາດ ຈີນ ເວົ້າສະເພາະ; ແນະນຳໃຫ້ຄະນະຜູ້ແທນກ່ຽວກັບມູນເຊື້ອ, ພາລະບົດບາດ, ໜ້າທີ່ຕົ້ນຕໍຂອງວິທະຍາຄານ
ປ້ອງກັນອາກາດ-ທະຫານອາກາດ. ສອງຝ່າຍໄດ້ແລກປ່ຽນກ່ຽວກັບບາງເນື້ອໃນກ່ຽວກັບການຮ່ວມມືດ້ານການສຶກສາ ແລະ ບຳລຸງກໍ່ສ້າງ, ຄົ້ນ
ຄວ້າວິທະຍາສາດດ້ານປ້ອງກັນອາກາດ-ທະຫານອາກາດ. ສອງຝ່າຍຢືນຢັນວ່າ: ໃນຊຸມປີຜ່ານມາ, ການພົວພັນຮ່ວມມືມິດຕະພາບ ລະຫວ່າງ
ກຳລັງທະຫານອາກາດ-ປ້ອງກັນອາກາດຂອງສອງປະເທດບັນລຸໄດ້ໝາກຜົນສຳຄັນຫຼາຍຢ່າງ, ປະກອບສ່ວນຊຸກຍູ້ການພົວພັນຮ່ວມມືດ້ານປ້ອງ
ກັນຊາດນັບມື້ນັບພັດທະນາ; ພ້ອມທັງປາດຖະໜາວ່າ, ໃນໄລຍະຈະມາເຖິງ, ກຳລັງປ້ອງກັນອາ ກາດ-ທະຫານອາກາດຂອງກອງທັບສອງປະ
ເທດຈະຍູ້ແຮງການຮ່ວມມືຕາມເນື້ອໃນຈິດໃຈຮ່ວມມື ລະຫວ່າງ ສອງປະເທດທີ່ໄດ້ວາງອອກ, ປະກອບ ສ່ວນນຳການພົວພັນດ້ານປ້ອງກັນ
ຊາດສອງຝ່າຍຫວຽດນາມ - ຈີນ ໃຫ້ນັບມື້ນັບພັດທະນາ. ການຢ້ຽມຢາມ, ຄະນະຜູ້ແທນທະຫານອາກາດຈີນ ໄດ້ໄປຢ້ຽມຢາມຫ້ອງ ບັນ
ຍາຍ ເພື່ອເຝິກແອບການບັນຊາການບິນຂອງວິທະຍາຄານທະຫານອາກາດ-ປ້ອງກັນອາກາດ.
ແຫຼ່ງທີ່ມາ: ຂກທ
ວັນທີ 03/02/2026