ທ່ານ ຫຼີສຽງ ເຂົ້າຮ່ວມກອງປະຊຸມປຶກສາຫາລືດ້ານເສດຖະກິດ ຈີນ-ເຢຍລະມັນ
ທ່ານ ຟຣີດຣິສ ເມີສ ນາຍົກລັດຖະມົນຕີເຢຍລະມັນ ແລະ ທ່ານ ຫຼີສຽງ ນາຍົກ ລັດຖະມົນຕີຈີນ ຮ່ວມສຳມະນາໃນວັນທີ 26/02/2026
ຕອນບ່າຍວັນທີ 26 ກຸມພາ ຜ່ານມານີ້, ທ່ານ ຫຼີສຽງ ນາຍົກ ລັດຖະມົນຕີຈີນ ແລະ ທ່ານ ຟຣີ ດຣິສ ເມີສ ນາຍົກລັດຖະມົນຕີເຢຍລະ
ມັນ ໄດ້ຮ່ວມກັນເຂົ້າຮ່ວມກອງປະຊຸມສຳມະນາຂອງຄະນະກຳມະການທີ່ປຶກສາດ້ານເສດຖະກິດຈີນ-ເຢຍລະມັນ ຢູ່ຫໍສະພາປະຊາຊົນແຫ່ງ
ຊາດ ທີ່ນະຄອນຫຼວງປັກກິ່ງ, ໂດຍມີຜູ້ຕາງໜ້າຈາກວິສາຫະກິດຈີນ ແລະ ເຢຍລະມັນ 60 ກວ່າທ່ານໄດ້ເຂົ້າຮ່ວມ.
ທ່ານ ຫຼີສຽງ ກ່າວວ່າ: ປັດຈຸບັນ, ເສດຖະກິດຈີນ ແລະ ເຢຍລະມັນ ຕ່າງກໍມີທ່າອ່ຽງຟື້ນຕົວຄືນໃໝ່ ແລະ ພັດທະນາໄປໃນທິດທາງທີ່ດີ
ຂຶ້ນ. ສອງຝ່າຍສາມາດສຸມກຳລັງເຂົ້າໃນການພັດທະນາ 3 ດ້ານ ເພື່ອບັນລຸການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ ທີ່ມີລະດັບສູງ
ກວ່າເກົ່າຄື: ໜຶ່ງ, ເສີມສ້າງພື້ນຖານຂອງການຮ່ວມມືແບບດັ້ງເດີມໃຫ້ເຂັ້ມແຂງ; ສອງ, ກຳແໜ້ນໂອກາດການພັດທະນາໃໝ່ໃນອະນາຄົດ;
ສາມ, ສ້າງສະພາບແວດລ້ອມທີ່ດີໃຫ້ແກ່ການລົງທຶນ ແລະ ທຸລະກິດ. ຫວັງວ່ານັກທຸລະກິດຈີນ ແລະ ເຢຍລະມັນຈະເສີມຂະຫຍາຍບົດບາດ
ສຳຄັນເຂົ້າໃນການຊຸກຍູ້ການຮ່ວມມືດ້ານເສດຖະກິດການຄ້າຂອງສອງປະເທດ, ທັງເພີ່ມທະວີການແລກປ່ຽນ ແລະ ຄວາມເຂົ້າໃຈລະຫວ່າງ
ສອງຝ່າຍ ແລະ ຊຸກຍູ້ຄວາມໝັ້ນຄົງຂອງສາຍພົວພັນສອງຝ່າຍ.
ທ່ານ ຟຣີດຣິສ ເມີສ ກ່າວວ່າ: ເຢຍລະມັນ ມຸ່ງໝັ້ນທີ່ຈະຮຽນຮູ້ ແລະ ຖອດຖອນບົດຮຽນເຊິ່ງກັນລະກັນກັບຈີນ, ເພີ່ມທະວີການຮ່ວມ
ມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ ໃນຂົງເຂດຕ່າງໆ, ຊຸກຍູ້ໃຫ້ການພົວພັນລະຫວ່າງເຢຍລະມັນ-ຈີນ ຂະຫຍາຍຕົວຢ່າງໝັ້ນຄົງຍາວນານ.
ຍິນດີຕ້ອນຮັບວິສາຫະກິດຈີນ ໄປລົງທຶນ ແລະ ດຳເນີນທຸລະກິດຢູ່ເຢຍລະມັນ ຫຼາຍຂຶ້ນກວ່າເກົ່າ ເພື່ອສ້າງວຽກເຮັດງານທຳ ແລະ ເພີ່ມທະວີ
ການເຊື່ອມໂຍງເຊື່ອມຈອດກັນ.
ແຫຼ່ງທີ່ມາ: ຂກທ
ວັນທີ 02/03/2026