ສະຫະພັນນັກຮົບເກົ່າລາວ-ຈີນ ເພີ່ມທະວີການພົວພັນຮ່ວມມື
ການພົບປະສອງຝ່າຍລະຫວ່າງສະຫະພັນນັກຮົບເກົ່າແຫ່ງຊາດລາວ ກັບຄະນະຜູ້ແທນນັກຮົບເກົ່າແຫ່ງ ສປ ຈີນ ໄດ້ຈັດຂຶ້ນໃນວັນທີ 21 ພະຈິກ 2016
ນີ້, ໃນໂອກາດທີ່ຄະນະຜູ້ແທນດັ່ງກ່າວເດີນທາງມາຢ້ຽມຢາມ ແລະເຮັດວຽກຢູ່ປະເທດເຮົາ ເຊິ່ງຄະນະຝ່າຍລາວນຳໂດຍສະຫາຍ ພົນຈັດຕະວາ ສົມພອນ
ແກ້ວມີໄຊ ປະທານສະຫະພັນນັກຮົບເກົ່າແຫ່ງຊາດລາວ ພ້ອມຄະນະ ແລະຝ່າຍ ສປ ຈີນ ນຳໂດຍສະຫາຍ ພັນເອກຫຼູເຈິນກຸ້ຍ ພ້ອມດ້ວຍຄະນະ.
ໂອກາດດັ່ງກ່າວ ສະຫາຍ ພົນຈັດຕະວາ ສົມພອນ ແກ້ວມີໄຊ ໄດ້ສະແດງຄວາມຍິນດີຕ້ອນຮັບ ສະຫາຍ ພັນເອກ ຫຼູເຈິນກຸ້ຍ ພ້ອມດ້ວຍຄະນະຢ່າງ
ອົບອຸ່ນ ພ້ອມທັງໄດ້ຕີລາຄາສູງຕໍ່ສາຍພົວພັນການຮ່ວມມືສາມັກຄີຮອບດ້ານລະຫວ່າງສອງພັກສອງລັດ ແລະປະຊາຊົນສອງຊາດເວົ້າລວມ ເວົ້າສະເພາະ
ການພົວພັນຮ່ວມມືລະຫວ່າງສະຫະພັນນັກຮົບເກົ່າແຫ່ງຊາດລາວ ແລະນັກຮົບເກົ່າແຫ່ງ ສປ ຈີນ ທີ່ນັບມື້ນັບມີບາດກ້າວເພີ່ມທະວີຂຶ້ນ ທັງເປັນໄລຍະ
ແຫ່ງການສ້າງຂະບວນການສະເຫຼີມສະຫຼອງວັນສ້າງຕັ້ງສາຍພົວພັນທາງການທູດລາວ-ຈີນ,ຈີນ-ລາວ ຄົບຮອບ 55 ປີ (25/4/1961-25/4/2016)ດ້ວຍ
ຄວາມເອກອ້າງທະນົງໃຈ ແລະເບິກບານມ່ວນຊື່ນ ເຊິ່ງມັນໄດ້ມີຄວາມໝາຍທາງດ້ານປະຫວັດສາດໃຫ້ຄົນຮຸ່ນໃໝ່ໄດ້ຮັບຮູ້ວ່າສາຍພົວພັນຮ່ວມມືອັນດີ
ງາມນີ້ໄດ້ມີມາແຕ່ດົນນານແລ້ວ ແລະຈະຍິ່ງນັບມື້ເພີ່ມທະວີ ແລະເຕີບໃຫຍ່ຂຶ້ນຢ່າງບໍ່ຢຸດຢັ້ງ.
ໂອກາດດຽວກັນນີ້, ທ່ານ ພັນເອກ ຫຼູເຈິນກຸ້ຍ ກໍໄດ້ກ່າວສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນມາຍັງສະຫະພັນນັກຮົບເກົ່າແຫ່ງ
ຊາດລາວ ແລະສະແດງຄວາມຍ້ອງຍໍຊົມເຊີຍຕໍ່ໝາກຜົນການພົວພັນຮ່ວມມືລະຫວ່າງລາວ-ຈີນ ນັບມື້ນັບເພີ່ມທະວີຂຶ້ນເລື້ອຍໆ.