ຫົວໜ້າເສນາທິການກອງທັບ ລົງເຄື່ອນໄຫວຊຸກຍູ້ ແລະ
ຕິດຕາມໂຄງການກໍ່ສ້າງໂຮງຮຽນທະຫານທ້ອງຖິ່ນແຂວງໄຊສົມບູນ
ສະຫາຍ ພົນໂທ ສຸວອນ ເລືອງບຸນມີ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ,
ຫົວໜ້າ ກົມໃຫຍ່ເສນາທິການກອງທັບລົງເຄື່ອນໄຫວຊຸກຍູ້ ແລະ ຕິດຕາມໂຄງການກໍ່ສ້າງ
ໃນວັນທີ 25 ມິຖຸນາ 2020 ນີ້, ສະຫາຍ ພົນໂທ ສຸວອນ ເລືອງບຸນມີ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າ ກົມໃຫຍ່ເສນາ
ທິການກອງທັບ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ ແລະ ຕິດຕາມຄວາມຄືບໜ້າຂອງໂຄງການກໍ່ສ້າງໂຮງຮຽນທະຫານທ້ອງຖິ່ນ ແຂວງ ໄຊສົມບູນ ເຊິ່ງເປັນກຽດ
ຕ້ອນຮັບຂອງ ສະຫາຍ ຫງວຽນ ເທ່ ວີງ ຜູ້ຄຸ້ມຄອງຊີ້ນຳພາກສະໝາມຂອງບໍລິສັດໂກເອໂກ ແລະ ສະຫາຍ ພັນໂທ ເພັດລັງສີ ພິຈິດ ຫົວໜ້າ ຫ້ອງພະລາທິການ ກອງບັນ
ຊາການທະຫານ ແຂວງໄຊສົມບູນ ພ້ອມດ້ວຍຄະນະວິຊາການໃຫ້ການຕ້ອນຮັບ.
ໂອກາດນີ້ ສະຫາຍ ພັນໂທ ເພັດລັງສີ ພິຈິດ ໄດ້ໃຫ້ຮູ້ວ່າ: ໂຄງການກໍ່ສ້າງໂຮງຮຽນການທະຫານທ້ອງຖິ່ນ ແຂວງໄຊສົມບູນ ແມ່ນໂຄງການໜຶ່ງທີ່ລັດຖະບານແຫ່ງ
ສສ ຫວຽດນາມ ໃຫ້ທຶນຊ່ວຍເຫຼືອລ້າໃນມູນຄ່າທັງໝົດ 153 ຕື້ດົງ (ສະກຸນເງິນ ຫວຽດນາມ) ເຊິ່ງໂຄງການດັ່ງກ່າວແມ່ນເລ່ີມລົງມືກໍ່ສ້າງມາແຕ່ ວັນທີ 23 ຕຸລາ 2019
ແລະ ຄາດວ່າຈະໃຫ້ສຳເລັດໃນທ້າຍ ເດືອນ ມີນາ 2022, ໂຄງການດັ່ງກ່າວມີ 7 ໜ້າວຽກໃຫຍ່ຄື: ໄລຍະທີ I, ແມ່ນການກໍ່ສ້າງຕຶກອຳນວຍການ 3 ຊັ້ນ, ການກໍ່ສ້າງຫ້ອງ
ຮຽນ 3 ຊັນ, ການກໍ່ສ້າງສະໂມສອນ, ການກໍ່ສ້າງເຮືອນນອນພະນັກງານ, ການກໍ່ສ້າງເຮືອນຄົວພະນັກງານ, ການກໍ່ສ້າງເຮືອນນອນກອງຮ້ອຍນັກຮຽນ ແລະ ການກໍ່ສ້າງ
ເຮືອນຄົວນັກຮຽນໃນເນື້ອທີ່ທັງໝົດ 68 ເຮັກຕາ, ເຊິ່ງມາຮອດປັດຈຸບັນແມ່ນມີຄວາມຄຶບໜ້າ 31%, ໂດຍແມ່ນ ບໍລິສັດໂກເອໂກເຂດ 4 ສສ ຫວຽດນາມ ເປັນຜູ້ຮັບເໜົາ
ກໍ່ສ້າງ ແລະ ສ່ວນເສັ້ນທາງເຂົ້າຫາໂຮງຮຽນມີຄວາມຍາວ 7 ກິໂລແມັດ ແມ່ນສຳເລັດແລ້ວ, ຕາຄ່າຍໄຟຟ້າແມ່ນດຶງມາຮອດໂຄງການກໍ່ສ້າງແລ້ວ, ລະບົບນ້ຳລິນແມ່ນສະ
ໜອງໃຫ້ໂຄງການໄດ້ຢ່າງທົ່ວເຖິງ, ໂອກາດນີ້ ສະຫາຍ ພົນໂທ ສຸວອນ ເລືອງບຸນມີ ກໍໄດ້ຮຽກຮ້ອງໃຫ້ຄະນະຮັບຜິດຊອບໂຄງການ ຈົ່ງສືບຕໍ່ເອົາໃຈໃສ່ປະຕິບັດຕາມແຜນ
ການທີ່ກຳນົດໄວ້ ແລະ ເຮັດດ້ວຍຄວາມຮັບຜິດຊອບຕໍ່ໜ້າທີ່ການເມືອງ ຂອງການຈັດຕັ້ງມອບໝາຍໃຫ້: ເຖິງ ແມ່ນວ່າຈະມີຄວາມຫຍຸ້ງຍາກທາງດ້ານດິນຟ້າອາກາດກໍ
ຕາມ ແຕ່ດ້ວຍຄວາມເອົາໃຈໃສ່ຂອງ ຄະນະຮັບຜິດຊອບໂຄງການ ບັນດາສະຫາຍຄົງຈະເຮັດສຳເລັດຕາມແຜນການ ແລະ ເນັ້ນໜັກໃຫ້ ຄະນະພັກ-ຄະນະບັນຊາກອງບັນ
ຊາການທະຫານ ແຂວງໄຊສົມບູນ ຈົ່ງເປັນເຈົ້າການໃນການປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃນການຄຸ້ມຄອງເບິ່ງແຍງຊ່ວຍເຫຼືອເຊິ່ງກັນ ແລະ
ກັນ, ພ້ອມນີ້ຍັງໄດ້ອຳນວຍຄວາມສະດວກໃຫ້ແກ່ເຂົາເຈົ້າເປັນຢ່າງດີ ແລະ ເອົາໃຈໃສ່ແກ້ໄຂພື້ນທີ່ ທີ່ນອນຢູ່ໃນໂຄງການ ໃຫ້ເປັນອັນລະອຽດຈະແຈ້ງບໍ່ໃຫ້ມີບັນຫາ, ເອົາ
ໃຈໃສ່ລົງໃກ້ຊິດຕິດແທດກັບຮາກຖານປະຊາຊົນເປັນຕົ້ນ ແມ່ນເຮັດໃຫ້ ສະພາບມີຄວາມສະຫງົບ 100%, ຈາກນັ້ນ ສະຫາຍ ພົນໂທ ສຸວອນ ເລືອງບຸນມີ ພ້ອມດ້ວຍຄະ
ນະ ກໍໄດ້ລົງເຄື່ອນໄຫວເບິ່ງສະພາບການກໍ່ສ້າງຕົວຈິງ ແລະ ຊຸກຍູ້ຕິດຕາມກວດກາໂຄງການກໍ່ສ້າງຫ້ອງການ ກອງພັນໃຫຍ່ 101, ກອງພັນ 596 ທີ່ຂຶ້ນກັບ ກອງພົນທີ 1.
ໂອກາດດັ່ງກ່າວຄະນະຮັບຜິດຊອບໂຄງການກໍ່ສ້າງກອງ ພັນໃຫຍ່ 101 ໄດ້ໃຫ້ຮູ້ວ່າ: ໃນໄລຍະທີ່ຜ່ານມາໂຄງການກໍ່ສ້າງແມ່ນໄດ້ລົງມືມາແຕ່ຕົ້ນປີ 2016, ໂດຍ
ແມ່ນ ບໍລິສັດອານຸສອນກໍ່ສ້າງເຄຫາສະຖານ ເປັນຜູ້ຮັບເໜົາກໍ່ສ້າງເຊິ່ງມີ 8 ໜ້າ ວຽກຄື: ໂຄງການກໍ່ສ້າງຫ້ອງການ 2 ຊັ້ນປະຕິບັດໄດ້ພຽງ 18,00%, ສະໂມສອນປະຕິ
ບັດ 13,40%, ເຮືອນນອນຄະນະກອງປະຕິບັດ 55,00%, ເຮືອນນອນໂສດ ປະຕິບັດ 100%, ເຮືອນຄົວກິນປະຕິບັດ 32,00%, ຫ້ອງນໍ້າລວມປະຕິບັດ 50%, ສະໂຕ
ໂດນ້ຳຍັງບໍ່ໄດ້ລົງມື ແລະ ລະບົບໄຟຟ້າປະຕິບັດໄດ້ 90%, ແລະ ມາຮອດໄລຍະໜຶ່ງທາງ ບໍລິສັດຕອບສະໜອງທຶນໃຫ້ບໍ່ທັນຈິ່ງເຮັດໃຫ້ໂຄງການດັ່ງກ່າວ ມີຄວາມຊັກຊ້າ,
ດັ່ງນັ້ນທາງຄະນະອານຸກຳມະການຮັບຜິດຊອບແຕ່ລະພາກສ່ວນຈຶ່ງໄດ້ລົງມາກວດກາ ແລະ ໃຫ້ໂຈະໂຄງການດັ່ງ ກ່າວຈົນມາຮອດປັດຈຸບັນຍັງຢູ່ໃນການຄົ້ນຄວ້າ ແລະ ສຶບ
ຕໍ່ໃຫ້ບໍລິສັດອື່ນເຂົ້າມາປະມູນ.
ໂອກາດນີ້ ສະຫາຍ ພົນໂທ ສຸວອນ ເລືອງບຸນມີ ກໍໄດ້ຮຽກຮ້ອງໃຫ້ຄະນະອານຸກຳມະການ ສືບຕໍ່ກວດກາບັນດາໜ້າວຽກຕ່າງໆ ໃຫ້ເປັນອັນລະອຽດຈະແຈ້ງ ແລະ ສ້າງ
ແຜນເຮັດບົດລາຍງານເພື່ອຂໍທິດຊີ້ນຳຈາກຂັ້ນເທິງເພື່ອໃຫ້ບໍລິສັດອື່ນມາສຶບຕໍ່, ແລະ ໄດ້ຮຽກຮ້ອງຄະນະພັກ-ຄະນະບັນຊາຈົ່ງເປັນເຈົ້າການໃນການຄຸ້ມຄອງປົກປັກຮັກສາ
ວັດຖຸອຸປະກອນຕ່າງໆບໍ່ໃຫ້ຕົກເຮ່ຍເສຍຫາຍ, ເອົາໃຈໃສ່ໃນການປ້ອງກັນເວນຍາມເຮັດໃຫ້ສະພາບຢູ່ໃນຂອບເຂດດັ່ງກ່າວ ມີຄວາມສະຫງົບປອດໄພ. ຈາກນັ້ນ ສະຫາຍ
ພົນໂທ ສຸວອນ ເລືອງບຸນມີ ພ້ອມດ້ວຍຄະນະກໍໄດ້ລົງກວດກາເບິ່ງພື້ນທີ່ຕົວຈິງ ໃນການກໍ່ສ້າງເຫັນວ່າຍັງມີຫຼາຍດ້ານທີ່ຍັງບໍ່ເໝາະສົມ ແລະ ບໍ່ໄປຕາມແບບແຜນທີ່ການ
ຈັດຕັ້ງຂັ້ນເທິ່ງກໍຄືກົມກໍ່ສ້າງທີ່ໄດ້ກຳນົດໄວ້ ແລະ ເຮັດໃຫ້ໂຄງການກໍ່ສ້າງມີຄວາມຫຍຸ້ງຍາກ, ຊັກຊ້າ, ແກ່ຍາວ, ດັ່ງນັ້ນຈິ່ງໄດ້ເນັ້ນໜັກໃຫ້ຄະນະຮັບຜິດຊອບ, ພ້ອມດ້ວຍ
ຄະນະພັກ-ຄະນະບັນຊາ ແລະ ນັກວິຊາການທີ່ກ່ຽວຂ້ອງຈົ່ງເອົາໃຈໃສ່ສືບຕໍ່ກວດກາບັນດາໜ້າວຽກຕ່າງໆ ທີ່ຍັງຄົງຄ້າງ ແລະ ເປັນບັນຫາແກ່ຍາວໃນຕໍ່ໜ້າ, ພ້ອມກັນສຸ່ມ
ໃສ່ໃນການເປັນເຈົ້າການກວດກາຕິດຕາມເປັນແຕ່ລະໄລຍະເພື່ອໃຫ້ທ່ວງທັນກັບສະພາບຕົວຈິງຂອງວຽກງານໃຫ້ໄດ້ຮັບຜົນດີ, ຫຼັງຈາກນັ້ນ ສະຫາຍ ພົນໂທ ສຸວອນ
ເລືອງບຸນມີ ພ້ອມດ້ວຍຄະນະກໍໄດ້ສືບຕໍ່ລົງເຄື່ອນໄຫວເບິ່ງໂຄງການກໍ່ສ້າງ ກອງພັນ 596 ທີ່ຂຶ້ນກັບ ກອງພັນໃຫຍ່ 101 ເຊິ່ງໂຄງການດັ່ງກ່າວມາຮອດປັດຈຸນີ້ ແມ່ນມີ
ຄວາມຄືບໜ້າໄດ້ປະມານ 80% ໂຄງການແລ້ວ.