ກອງປະຊຸມສ່ອງແສງວຽກງານໂຄສະນາອົບຮົມເຂດໃຈກາງປະຈຳປີ 2018
ວັນທີ 26 ຕຸລາ 2018 ນີ້, ກົມໂຄສະນາອົບຮົມ ກົມໃຫຍ່ການເມືອງກອງທັບ ໄດ້ຈັດຕັ້ງກອງປະຊຸມສ່ອງແສງວຽກງານໂຄສະນາອົບຮົມປະຈຳປີ 2018 ແລະ
ກວດກາ, ຊຸກຍູ້ຂະບວນການຂໍ່ານັບຮັບຕ້ອນວັນສ້າງ ຕັ້ງກອງທັບຄົບຮອບ 70 ປີ ຢູ່ເຂດໃຈກາງນະຄອນຫຼວງວຽງຈັນຂຶ້ນ ທີ່ສະໂມສອນກົມໃຫຍ່ການເມືອງກອງທັບ
ໂດຍການເຂົ້າຮ່ວມເປັນປະທານຂອງ ທ່ານ ພົນຕີ ສອນທອງ ພົມລາວົງ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຄະ
ນະພັກ-ຄະນະບັນຊາແຕ່ລະກົມກອງເຂດໃຈກາງນະຄອນຫຼວງວຽງຈັນເຂົ້າຮ່ວມ.
ພົນຕີ ສອນທອງ ພົມລາວົງ ເປັນປະທານກອງປະຊຸມສ່ອງແສງວຽກງານໂຄສະນາອົບຮົມປະຈຳປີ 2018
ໃນພິທີຕາງໜ້າຄະນະພັກ-ຄະນະບັນຊາແຕ່ລະພາກສ່ວນຂຶ້ນລາຍງານສະພາບການເຄື່ອນໄຫວວຽກງານໂຄສະນາຂອງແຕ່ລະກົມກອງ ເຊິ່ງແຕ່ລະກົມກອງໄດ້ເປັນເຈົ້າ
ການໃນການຈັດຕ້ັງເຄື່ອນໄຫວວຽກງານການເມືອງ ແລະ ຂະບວນການຕ່າງໆ. ໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງນໍາພາແນວຄິດຕາມຄໍາສັ່ງແນະນໍາ
ຂອງກົມໃຫຍ່ການເມືອງກອງທັບ ແລະ ອົບຮົມປົກກະຕິເປັນປະຈໍາຢ່າງກວ້າງຂວາງທົ່ວເຖິງທຸກເປົ້າໜາຍ, ໄດ້ເອົາໃຈໃສ່ວຽກງານໂຄສະນາດ້ວຍຫຼາຍຮູບການທັງຈັດຕັ້ງ
ປາຖະກະຖາວັນປະຫວັດສາດສໍາຄັນຕ່າງໆ ແລະ ນໍາໃຊ້ພະຫະນະສື່ມວນຊົນຢ່າງກວ້າງຂວາງເຊັ່ນ: ໜັງສືພິມ, ວິທະຍຸກະຈາຍສຽງ, ຫໍມູນເຊື້ອ, ຫ້ອງສະໝຸດ, ວາລະສານ,
ຮູບພາບ ຄຳຂວັນຕ່າງໆ ແລະ ເຮັດໜ້າທີ່ຕອບຕ້ານສື່ອອນລາຍຢ່າງແຂງແຮງ, ບັນດາກົມກອງໄດ້ຈັດຕັ້ງເປີດຂະບວນແຂ່ງຂັນສ້າງກິດຈະກໍາຕ່າງໆຢ່າງເປັນຂະບວນຟົດຟຶ້ນ
ເຊັ່ນ: ຂະບວນການແຂ່ງຂັນຮັກຊາດ ແລະ ພັດທະນາ, ຂະບວນການແຂ່ງຂັນສ້າງຜົນງານຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ຂະບວນການ
ກີລາກາຍະກໍາ, ສິລະປະ-ວັນນະຄະດີ, ກິດຈະກໍາຖາມຕອບ, ຂະບວນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຂະບວນການສ້າງນັກຮົບ-ກອງວັດທະ
ນະທໍາໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ຂອງຄະນະພັກກະຊວງວາງອອກ.
ໂອກາດດັ່ງກ່າວ ທ່ານ ພົນຕີ ສອນທອງ ພົມລາວົງ ໄດ້ຮຽກຮ້ອງໃຫ້ຄະນະພັກ-ຄະນະບັນຊາ ແລະ ພະນັກງານຜູ້ເຮັດວຽກງານແນວຄິດ ຈົ່ງເພີ່ມທະວີຄວາມຮັບຜິດ
ຊອບການເມືອງຂອງຕົນເຂົ້າໃນການຊີ້ນໍາ-ນໍາພາ ສຶກສາອົບຮົມການເມືອງ-ແນວຄິດດ້ວຍຫຼາຍຮູບຫຼາຍສີ ແລະ ມີໝາກມີຜົນຕົວຈິງ, ເຮັດໃຫ້ພະນັກງານ-ນັກຮົບມີແນວ
ຄິດອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ, ຮູ້ຈຳແນກມິດ-ສັດຕູ, ສຸມໃສ່ແກ້ໄຂບັນດາປາກົດການຫຍໍ້ທໍ້ທີ່ເກີດຂຶ້ນເຮັດໃຫ້ກົມກອງຂອງຕົນມີຄວາມສະຫົງບ,
ມີການຫັນປ່ຽນຢ່າງຈະແຈ້ງພ້ອມກັນສ້າງຂະບວນການດ້ານຕ່າງໆເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ໃຫ້ມີເນື້ອໃນ ແລະ ຄວາມໝາຍ
ເລິກເຊິ່ງ.