ກຽມຄວາມພ້ອມໃຫ້ແກ່ບັນດາກອງປະຊຸມໃນຂອບທະຫານອາຊຽນທີ່ຍັງເຫຼືອ
ກອງເລຂາອາຊຽນກະຊວງປ້ອງກັນປະເທດໄດ້ຈັດກອງປະຊຸມເຜີຍແຜ່ຂໍ້ຕົກລົງ ແລະແຜນແບ່ງວຽກ ເພື່ອກະກຽມຄວາມພ້ອມໃຫ້ແກ່ບັນດາກອງປະຊຸມ
ໃນຂອບທະຫານອາຊຽນທີ່ຍັງເຫລືອໃນທ້າຍປີ 2016 ນີ້ ຢູ່ທີ່ ຫ້ອງຮັບແຂກກົມພົວພັນຕ່າງປະເທດກະຊວງປ້ອງກັນປະເທດ ໂດຍການເຂົ້າຮ່ວມຂອງ ພັນ
ເອກ ໄພວັນ ຈັນທະພົມມາ ຮອງຫົວຫນ້າກົມພົວພັນຕ່າງປະເທດ ຫົວຫນ້າຫນ່ວຍງານວິຊາການ ເຈົ້າຫນ້າທີ່ອາວຸໂສປ້ອງກັນປະເທດ ສປປ ລາວ ຫົວຫນ້າ
ກອງເລຂາອາຊຽນກະຊວງປ້ອງກັນປະເທດ ເຊິ່ງມີບັນດາພະນັກງານວິຊາການທີ່ກ່ຽວຂ້ອງເຂົ້າຮ່ວມ.
ພັນເອກ ໄພວັນ ຈັນທະພົມມາ ເປັນປະທານກະກຽມຄວາມພ້ອມໃຫ້ແກ່ບັນດາກອງປະຊຸມໃນຂອບທະຫານອາຊຽນທີ່ຍັງເຫຼືອ
ການກະກຽມຄວາມພ້ອມໃຫ້ບັນດາກອງປະຊຸມໃນຂອບທະຫານອາຊຽນໃນທ້າຍປີ 2016 ຕົ້ນຕໍແມ່ນໄດ້ກວດກາຄືນຄວາມຄືບຫນ້າໃນການກະ
ກຽມເອກະສານເນື້ອໃນ, ສະຖານທີ່ພັກເຊົາ, ງົບປະມານ ເພື່ອຮັບໃຊ້ແກ່ກອງປະຊຸມສຳມະນາເຄືອຂ່າຍສະຖາບັນປ້ອງກັນຊາດອາຊຽນ (NADI) ທີ່ຈະຈັດ
ຂຶ້ນໃນລະຫວ່າງວັນທີ 18-21/10/2016 ທີ່ຈະມາເຖິງນີ້ ຢູ່ທີ່ແຂວງຫລວງພະບາງ ແລະກອງປະຊຸມອື່ນໆ.