ປະກາດແຕ່ງຕັ້ງຍົກຍ້າຍບາງຕຳແໜ່ງຢູ່ກົມ 213
ວັນທີ 23 ພຶດສະພາ 2018 ນີ້, ກົມ 213 ໄດ້ປະກາດຈັດຕັ້ງບັນຊາຂັ້ນກົມ, ຫ້ອງການ ແລະ ກອງພັນຂຶ້ນຢູ່ສະໂມສອນກົມ ພາຍໃຕ້ການເປັນປະ
ທານຂອງ ທ່ານ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີ
ທ່ານ ພົນຕີ ສະຫວ່າງໄຊ ສິນນະວົງ ກຳມະການຄະນະພັກກະຊວງປ້ອງກັນປະເທດ, ຫົວໜ້າຫ້ອງການຄະນະກຳມະການ ປກຊ-ປກສ ສູນກາງ, ມີພັນເອກ
ພູມີ ດາລາເພັດ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາກົມ 213, ຫ້ອງການ, ພະແນກການ ແລະ ກົມກອງ
ຂຶ້ນກັບ, ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.
ພົນໂທ ວິໄລ ຫຼ້າຄຳຟອງ ເປັນປະທານປະກາດແຕ່ງຕັ້ງຍົກຍ້າຍບາງຕຳແໜ່ງຢູ່ກົມ 213
ພັນເອກ ພູນມີ ດາລາເພັດ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດສະບັບເລກທີ 1587/ກປທ ວ່າດ້ວຍການແຕ່ງຕັ້ງຍົກຍ້າຍ ພັນໂທ ບຸນ
ຕຽນ ໄຊຍຳວົງທັນ ຫົວໜ້າການເມືອງກອງພັນ 433 ຂຶ້ນມາຮັບໜ້າທີ່ໃໝ່ເປັນຮອງຫົວໜ້າກົມ 213, ຂໍ້ຕົກລົງສະບັບເລກທີ 1585/ກປທ ວ່າດ້ວຍການ
ແຕ່ງຕັ້ງຍົກຍ້າຍ ພັນໂທ ໄຂ່ກາ ໄຊຍະສານ ຫົວໜ້າຫ້ອງການເມືອງກົມ 213 ໄປຮັບໜ້າທີ່ໃໝ່ເປັນຫົວໜ້າການເມືອງກອງພັນ 433 ແລະ ຂໍ້ຕົກລົງສະ
ບັບເລກທີ 1586/ກປທ ວ່າດ້ວຍການແຕ່ງຕັ້ງຍົກຍ້າຍ ພັນໂທ ໄກ່ສອນ ພິລາວົງ ຫົວໜ້າຫ້ອງການບໍລິຫານກົມ 213 ໄປຮັບໜ້າທີ່ໃໝ່ເປັນຫົວໜ້າຫ້ອງ
ການເມືອງກົມ 213.
ໃນໂອກາດດັ່ງກ່າວ, ທ່ານ ພົນໂທ ວິໄລ ຫຼ້າຄຳຟອງ ໄດ້ໃຫ້ຄຳເຫັນໂອ້ລົມຄະນະພັກ-ຄະນະບັນຊາ, ພະນັກງານສະມາຊິກພັກ ໂດຍສະເພາະນາຍທະ
ຫານຜູ້ທີ່ໄດ້ຮັບໜ້າທີ່ຕຳແໜ່ງໃໝ່ໂດຍໄດ້ຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານຄຸນງາມຄວາມດີທີ່ບັນດາສະຫາຍໄດ້ປະກອບສ່ວນ ແລະ ຍາດໄດ້ໃນ
ໄລຍະຜ່ານມາ ນອກນັ້ນທ່ານກໍໄດ້ເນັ້ນໜັກໃຫ້ຍົກສູງຄວາມຮັບຜິດຊອບຂອງໜ້າທີ່ການເມືອງຂອງຕົນເຂົ້າໃນການຈັດຕັ້ງປະຕິບັດ ຊີ້ນຳ-ນຳພາວຽກງານ
ໃນຂອບເຂດ, ສິດ, ໜ້າທີ່ຂອງຕົນໃຫ້ສູງຂຶ້ນ ພ້ອມທັງສືບຕໍ່ເຝິກຝົນຫຼໍ່ຫຼອມຕົນເອງໃຫ້ມີວິທີເຮັດວຽກທີ່ດີ, ວ່ອງໄວ ແລະ ທັນສະໄໝ ເພື່ອປະກອບສ່ວນ
ເຮັດໃຫ້ກົມກອງມີຄວາມໜັກແໜ້ນທາງ ດ້ານການເມືອງ, ເຂັ້ມແຂງທາງດ້ານການຈັດຕັ້ງ, ເຮັດສຳເລັດໜ້າທີ່ວິຊາສະເພາະຕົວຈິງຂອງກົມກອງ ເພື່ອສ້າງ
ກົມກອງມີການເຕີບໃຫຍ່ຂະຫຍາຍຕົວ ແລະ ມີີຄວາມປອດໃສເຂັ້ມແຂງ ແລະ ໜັກແໜ້ນຢ່າງບໍ່ຢຸດຢັ້ງ.