ຮອງຫົວໜ້າກົມໃຫຍ່ ກມທ ພົບປະໂອ້ລົມຄະນະນຳພະນັກງານຫຼັກແຫຼ່ງທະຫານແຂວງຫຼວງນ້ຳທາ

     ໃນໂອກາດລົງເຄື່ອນໄຫວຊີ້ນຳວຽກງານການປັບປຸງກໍ່ສ້າງກອງທັບ ທ່ານ ພົນຈັດຕະວາ ວັນທອງ ກອງມະ ນີ ຄະນະພັກກະຊວງປ້ອງກັນປະເທດ ຮອງ
ຫົວໜ້າກົມໃຫຍ່ການເມືອງກອງທັບ ໄດ້ພົບປະໂອ້ລົມຄະນະນຳ, ພະນັກງານຫຼັກແຫຼ່ງຢູ່ກອງບັນຊາການທະຫານແຂວງຫຼວງນໍ້າທາ ໂດຍການເຂົ້າຮ່ວມຂອງ
ຄະນະພັກ-ຄະນະບັນຊາກອງບັນຊາການທະຫານແຂວງບໍ່ແກ້ວ, ແຂວງອຸດົມໄຊ, ແຂວງຫຼວງນໍ້າທາ, ແຂວງຜົ້ງສາລີ ແລະກອງ “ກ 3”.

                                 
                                                                 ພົນຈັດຕະວາວັນທອງກອງມະນີ ເປັນປະທານພົບປະໂອ້ລົມຄະນະນຳພະນັກງານຫຼັກແຫຼ່ງທະຫານແຂວງຫຼວງນ້ຳທາ

     ທ່ານ ພົນຈັດຕະວາ ວັນທອງ ກອງມະນີ ໄດ້ຍົກໃຫ້ເຫັນສະພາບການຂອງໂລກ, ພາກພື້ນ ແລະບາງບັນຫາ ປາກົດການຫຍໍ້ທໍ້ອັນພົ້ນເດັ່ນທີ່ເກີດຂຶ້ນໃນ
ປະເທດເຮົາ ເປັນຕົ້ນບັນຫາສາດສະໜາ, ຢາເສບຕິດ, ຄົນລັກ ລອບເຂົ້າ-ອອກເມືອງຜິດກົດໜາຍ ແລະ ພ້ອມທັງໄດ້ເນັ້ນໜັກໃຫ້ຄະນະພັກ-ຄະນະບັນຊາ
ແຕ່ລະຂັ້ນຂອງກອງບັນ ຊາການທະຫານແຂວງແຕ່ລະແຂວງເພີ່ມທະວີຄວາມສາມັກຄີເປັນປືກແຜ່ນແໜ້ນໜາ, ເອົາໃຈໃສ່ສືກສາອົບຮົມ- ການເມືອງນຳ
ພາແນວຄິດໃຫ້ພະນັກງານ - ນັກຮົບໄດ້ເຊື່ອມຊຶມຕໍ່ພາລະບົດບາດ, ສິດ ແລະ ໜ້າທີ່ຂອງຕົນ.