ປິດການອົບຮົມຫັດແອບໜ່ວຍງານຊອກຄົ້ນ-ກູ້ໄພ ແລະ ໜ່ວຍແພດສຸກເສີນ
ເພື່ອກຽມເຂົ້າຮ່ວມເຝິກຊ້ອມຮ່ວມກັບກອງທັບບັນດາປະເທດອາຊຽນ
ພົນຕີສຸວອນເລືອງບຸນມີ ເປັນປະທານພິທີປິດການອົບຮົມຫັດແອບໜ່ວຍງານຊອກຄົ້ນ-ກູ້ໄພແລະໜ່ວຍແພດຊ່ວຍເຫຼືອສຸກເສີນ
ພັນໂທ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ ຫົວໜ້າຄະນະປະສານງານໜ່ວຍງານຄຸ້ມຄອງໄພພິບັດຂອງກະ
ຊວງປ້ອງກັນປະເທດ ໄດ້ກ່າວລາຍງານຜົນສຳເລັດຂອງການອົບຮົມຫັດແອບໜ່ວຍງານຊອກຄົ້ນ-ກູ້ໄພ ແລະ ໜ່ວຍແພດຊ່ວຍເຫຼືອສຸກເສີນ ພາຍຫລັງທີ່
ໄດ້ດຳເນີນມາເວລາ 3 ເດືອນກວ່າ (ເລີ່ມແຕ່ເດືອນພຶດສະພາ-ເດືອນສິງຫາ 2016) ເຊິ່ງນັກສໍາມະນາກອນເຂົ້າຮ່ວມທັງໝົດ 48 ສະຫາຍ ທີ່ມາຈາກບັນ
ດາກົມກອງອ້ອມຂ້າງເຫຼົ່າຮົບຊ່າງແສງ, ສິດສອນໂດຍນັກວິທະຍາກອນຈາກກອງ “ຂ 279”, ກອງ “ຄ 233” ແລະນັກວິຊາການຈາກປະເທດຢີ່ປຸ່ນມາ
ຊ່ວຍສິດສອນດ້ານການນຳໃຊ້ອຸປະກອນ ແລະເຕັກນິກໃນການ ຊອກຄົ້ນ-ກູ້ໄພ. ຜ່ານການອົບຮົມຫັດແອບທັງພາກທິດສະດີຄວາມຮູ້ພື້ນຖານຂອງນາຍ
ແລະພົນທະຫານ ແລະພາກປະຕິບັດຕົວຈິງຂອງໜ່ວຍຊອກຄົ້ນ-ກູ້ໄພ ແລະສະເພາະແພດຊ່ວຍເຫຼືອສຸກເສີນຜູ້ປະສົບໄພພິບັດ ສາມາດບັນລຸໄດ້ຕາມ
ແຜນການຄາດໝາຍທີ່ວາງໄວ້ ແລະຮັບປະກັນຄວາມປອດໄພຮອບດ້ານ. ເຊິ່ງການອົບຮົມຄັ້ງນີ້ໄດ້ເປັນພື້ນຖານອັນດີໃຫ້ແກ່ການກະກຽມເຂົ້າຮ່ວມ
ເຝິກຊ້ອມຮ່ວມກັບບັນດາປະເທດອາຊຽນ-ບວກ ຢູ່ປະເທດໄທ ໃນຖານະທີ່ກອງທັບປະຊາຊົນລາວເປັນປະທານຮ່ວມ ແລະທັງເປັນການກຽມພ້ອມຮັບ
ມືກັບໄພພິບັດຕ່າງໆທີ່ຈະເກີດຂຶ້ນໃນສະເພາະໜ້າ ແລະຍາວນານ.