6 ກົມກອງຈັດພິທີປະດັບຫຼຽນກຽດຕິຄຸນກອງທັບປະຊາຊົນລາວ
ໃນວັນທີ 17 ສິງຫາ 2016 ຢູ່ກອງ “ກ 2” ໄດ້ຮັບກຽດເປັນເຈົ້າພາບໃນການຈັດພິທີປະດັບຫຼຽນກຽດຕິຄຸນກອງທັບປະຊາຊົນລາວ ໃຫ້ພະນັກງານ
ນາຍທະຫານ 6 ກົມກອງ ໂດຍການເປັນປະທານຂອງ ທ່ານ ພົນຈັດຕະວາ ວັນທອງ ກອງມະນີ ຄະນະພັກກະຊວງ ຮອງຫົວໜ້າກົມໃຫຍ່ການເມືອງກອງ
ທັບ.
ພົນຈັດຕະວາວັນທອງກອງມະນີ ເປັນປະທານປະດັບຫຼຽນກຽດຕິຄຸນ
ໂອກາດດັ່ງກ່າວ ພັນໂທ ຄຳພາ ມອນວົງໄຊ ຮອງຫົວໜ້າກົມນະໂຍບາຍກົມໃຫຍ່ການເມືອງກອງທັບ ໄດ້ຂຶ້ນຜ່ານດຳລັດຂໍ້ຕົກລົງຂອງກະຊວງປ້ອງ
ກັນປະເທດ ວ່າດ້ວຍການປະດັບຫຼຽນກຽດຕິຄຸນຂອງກອງທັບ ປະຊາຊົນລາວໃຫ້ແກ່ນາຍທະຫານກອງທັບປະຊາຊົນລາວຜູ້ທີ່ໄດ້ຜ່ານແປວໄຟຕໍ່ສູ້ກູ້ຊາດ
ສະບັບເລກທີ 3235-3286/ກປທ ລົງວັນທີ 1/9/2015. ການມອບຫຼຽນກຽດຕິຄຸນກອງທັບປະຊາຊົນລາວໃນຄັ້ງນີ້ ເຊິ່ງປະກອບມີ 6 ກົມກອງ ຄື:ກອງ
“ກ1”, ກອງ “ກ2”, ທະຫານແຂວງວຽງຈັນ, ທະຫານແຂວງຫຼວງພະບາງ, ທະຫານແຂວງໄຊຍະບູລີ ແລະໂຮງຮຽນກໍ່ສ້າງນາຍສິບເລກ 1 ລວມຈຳນວນ
ທັງໝົດມີ 2.702 ສະຫາຍ. ບັນດາສະຫາຍດັ່ງກ່າວ ລ້ວນແຕ່ແມ່ນຜູ້ທີ່ມີຜົນງານຄຸນງາມຄວາມດີຕໍ່ພາລະກິດປົດປ່ອຍປະເທດຊາດ ແລະປົກປັກຮັກສາ
ພັດທະນາປະເທດຊາດ ປະ ກອບສ່ວນໃນການສູ້ຮົບມີໄຊແຕ່ກ່ອນປີ 1975 ຄືນຫຼັງ.